ອົງການສະຫະປະຊາຊາດລາຍງານວ່າ, ຊາວອົບປະຍົບຊີຣີທີ່ເດີນທາງໄປລີບັງມີເຖິງເກືອບ 8 ແສນຄົນ
ວັນທີ 13 ຕຸລານີ້, ຢູ່ນະຄອນຫລວງເບຮຸດຂອງລີບັງ, ຄະນະກໍາມະການຊັ້ງສູງອົງການສະຫະປະຊາຊາດກ່ຽວກັບວຽກງານຊາວອົບພະຍົບ ຫລື UNHCR ເປີດເຜີຍບົດລາຍງານວ່າ, ມາຮອດປັດຈຸບັນນີ້, ຊາວອົບພະຍົບຊີຣີທີ່ເດີນທາງໄປລີບັງມີເຖິງເກືອບ 8 ແສນ ຄົນ ເຊິ່ງໄດ້ເພີ່ມຂຶ້ນປະມານ 1 ໝື່ນ 4 ພັນຄົນຖ້າທຽບກັບອາທິດແລ້ວນີ້. ໃນນັ້ນມີປະມານ 7 ແສນຄົນໄດ້ລົງທະບຽນກັບຫ້ອງການ UNHCR ແລະຍັງມີປະມານ 1 ແສນຄົນກໍາລັງລໍຖ້າລົງທະບຽນ. ເຂົາເຈົ້າກໍາລັງໄດ້ຮັບການປົກປັກຮັກສາແລະການຊ່ວຍເຫລືອຈາກລັດຖະບານລີບັງແລະອົງການສາກົນທີ່ກ່ຽວຂ້ອງເຊັ່ນ, ອົງການສະຫະປະຊາຊາດ ແລະອື່ນໆ.
ມື້ດຽວກັນ, ທ່ານໂມຮາເມັດ ຊາຟາດີ, ລັດຖະມົນຕີວ່າການກະຊວງການເງິນລີບັງທີ່ກໍາລັງເຂົ້າຮ່ວມກອງປະຊຸມປະເທດຊ່ວຍເຫລືອລີບັງຢູ່ວໍຊິງຕັນອາເມລິກາ ໄດ້ກ່າວວ່າ, ບັນຫາຊາວອົບພະຍົບຊີຣີທີ່ລີບັງປະເຊີນໜ້າຢູ່ໃນປັດຈຸບັນ ບໍ່ແມ່ນບັນຫາຂອງລີບັງຝ່ານດຽວ ແລະບໍ່ຄວນຮັບຜິດຊອບໂດຍລີບັງພຽງຝ່າຍດຽວ, ປະຊາຄົມໂລກກໍຄວນຮັບຜິດຊອບຕໍ່ບັນຫານີ້ເຊັ່ນກັນ.
