ການຮ່ວມມືສອງຝ່າຍລະຫວ່າງຈີນກັບຫວຽດນາມໄດ້ຮັບການບຸກທະລຸອັນສຳຄັນ ຈະສ້າງຕັ້ງໜ່ວຍງານປຶກສາຫາລືການຮ່ວມກັນພັດທະນາທາງທະເລ
(GMT+08:00) 2013-10-15 17:08:37 cri
ຕາມຂ່າວCRI： ຕອນບ່າຍວັນທີ13ຕຸລານີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນທີ່ກຳລັງຢ້ຽມຢາມຢູ່ຫວຽດ ນາມໄດ້ພົບປະເຈລະຈາກັບທ່ານຫງວຽນເຕິນຢຸງ, ນາຍົກລັດຖະມົນຕີຫວຽດນາມຢູ່ນະຄອນຫຼວງຮ່າໂນ້ຍຂອງຫວຽດນາມ, ສອງຝ່າຍໄດ້ເຫັນດີໃຫ້ສ້າງຕັ້ງ3ໜ່ວຍງານລວມທັງໜ່ວຍງານປຶກສາຫາລືການຮ່ວມກັນພັດທະນາທາງທະເລ, ການຮ່ວມມືທາງທະເລ, ທາງບົກ, ທະນາຄານໃຫ້ໄດ້ພັດທະນາໄປພ້ອມກັນ, ເຮັດໃຫ້ການພົວພັນລະຫວ່າງຈີນກັບຫວຽດນາມທີ່ມຸ່ງໜ້າສູ່ອະນາຄົດໄດ້ກ້າວເຂົ້າສູ່ລວງເລິກ.
ຫຼັງຈາກການພົບປະເຈລະຈາສິ້ນສຸດລົງ, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ໃຫ້ສຳພາດຕໍ່ນັກຂ່າວຈີນແລະຕ່າງປະເທດວ່າ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບຫວຽດນາມໄດ້ຮັບຄວາມຄືບໜ້າໃໝ່, ແມ່ນຄວາມຄືບໜ້າທີ່ມີລັກສະນະທາດແທ້. ທ່ານກ່າວວ່າ:
"ຜົນງານທີ່ສຳຄັນທີ່ສຸດທີ່ໄດ້ຮັບໃນການພົບປະເຈລະຈາລະຫວ່າງພວກຂ້າພະເຈົ້າ, ສາມາດເວົ້າໄດ້ວ່າແມ່ນການບຸກທະລຸໃໝ່ຂອງການຮ່ວມມືລະຫວ່າງຈີນກັບຫວຽດນາມ, ກໍ່ຄື: ສອງປະເທດຈະສ້າງຕັ້ງໜ່ວຍງານປຶກສາຫາລືການຮ່ວມກັນພັດທະນາທາງທະເລ, ໜ່ວຍງານຮ່ວມມືດ້ານພື້ນຖານໂຄງລ່າງທາງບົກແລະໜ່ວຍງານດ້ານການທະນາຄານຢ່າງເປັນທາງການ, 3ໜ່ວຍງານນີ້ຈະພ້ອມກັນດຳເນີນການຮ່ວມມືລະຫວ່າງສອງປະເທດໃນ3ດ້ານດັ່ງກ່າວ."
ທ່ນຫຼີເຄີ້ສຽງໄດ້ເປີດເຜີຍວ່າ, ຈີນກັບຫວຽດນາມເຫັນເປັນເອກະສັນກັນວ່າ, ຄວນສືບຕໍ່ເພີ່ມທະວີຄວາມໄວ້ເນື້ອເຊື່ອໃຈກັນດ້ານການເມືອງລະຫວ່າງສອງປະເທດ, ຮັກສາການໄປມາຫາສູ່ກັນຂອງການນຳຂັ້ນສູງລະຫວ່າງສອງປະເທດ, ເປີດກວ້າງຜົນປະໂຫຍດຮ່ວມກັນລະຫວ່າງສອງປະເທດໃຫ້ຫຼາຍເທົ່າທີ່ຈະຫຼາຍໄດ້, ຄວບຄຸມແລະເຮັດໃຫ້ຄວາມຂັດແຍ້ງກັນລະຫວ່າງສອງປະເທດໃຫ້ໜ້ອຍລົງຈົນສຸດຄວາມສາມາດ, ແລະປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້. ທ່ານກ່າວວ່າ:
"ພວກເຮົາຈະພະຍາຍາມໃຫ້ໄດ້ຮັບຄວາມຄືບໜ້າຕົວຈິງໃນການຮ່ວມກັນພັດທະນາຮ່ວມກັນທາງທະເລຢູ່ນອກປາກອ່າວເປີຍປູ້, ປຶກສາຫາລືແລະຄົ້ນຄວ້າການຮ່ວມກັນພັດທະນາຢູ່ເຂດທະເລທີ່ມີຂອບເຂດທີ່ກວ້າງຂວາງກວ່າເກົ່າ. ເຊິ່ງຈະສະແດງໃຫ້ໂລກເຫັນຢ່າງຈະແຈ້ງວ່າ, ຈີນກັບຫວຽດນາມມີຄວາມສາມາດແລະມີສະຕິປັນຍາໃນການປົກປັກຮັກສາສັນຕິພາບຂອງເຂດທະເລຈີນໃຕ້, ເປີດກວ້າງຜົນປະໂຫຍດຮ່ວມຂອງພວກເຮົາ, ຄວບຄຸມແລະຫຼຸດຜ່ອນຄວາມຂັດແຍ້ງກັນໃຫ້ໜ້ອຍລົງ."
ທ່ານຫງວຽນເຕິນຢຸງເຫັນດີນຳຂໍ້ສະເໜີຂອງທ່ານຫຼີເຄີ້ສຽງກ່ຽວກັບການພັດທະນາການພົວພັນລະຫວ່າງສອງປະເທດຕື່ມອີກ, ກ່າວວ່າຫວຽດນາມຍິນດີຮ່ວມກັບຈີນຊຸກຍູ້ການຮ່ວມມືທາງທະເລ, ທາງບົກແລະດ້ານການທະນາຄານ, ພະຍາຍາມໃຫ້ໄດ້ຮັບຜົນສຳເລັດອັນຕັ້ງໜ້າແລະຕິດແທດຕົວຈິງໂດຍໄວ.ທ່ານກ່າວວ່າ:
"ສອງຝ່າຍເຫັນດີຮ່ວມກັນປົກປັກຮັກສາສັນຕິພາບແລະສະຖຽນລະພາບທາງທະເລ, ຄວບຄຸມຄວາມຂັດແຍ້ງກັນໃຫ້ດີ, ຍຶດໝັ້ນສະແຫວງຫາວິທີແກ້ໄຂດ້ວຍການເຈລະຈາແລະການປຶກສາຫາລືທີ່ມີໄມຕີຈິດ. ໂດຍອີງຕາມຈິດໃຈນີ້,ສອງຝ່າຍເຫັນດີຮ່ວມກັນພະຍາຍາມໃຫ້ໄດ້ຮັບຄວາມຄືບໜ້າທີ່ມີລັກສະນະທາດແທ້ກ່ຽວກັບບັນຫາການແບ່ງເສັ້ນຊາຍແດນຢູ່ນອກປາກອ່າວເປີຍປູ້ແລະການຮ່ວມກັນພັດທະນາ."
ຫຼັງຈາກການພົບປະເຈລະຈາສິ້ນສຸດລົງ, ທ່ານຫຼີເຄີ້ສຽງ, ນາຍົກລັດຖະມົນຕີຈີນໄດ້ໃຫ້ສຳພາດຕໍ່ນັກຂ່າວຈີນແລະຕ່າງປະເທດວ່າ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນກັບຫວຽດນາມໄດ້ຮັບຄວາມຄືບໜ້າໃໝ່, ແມ່ນຄວາມຄືບໜ້າທີ່ມີລັກສະນະທາດແທ້. ທ່ານກ່າວວ່າ:
"ຜົນງານທີ່ສຳຄັນທີ່ສຸດທີ່ໄດ້ຮັບໃນການພົບປະເຈລະຈາລະຫວ່າງພວກຂ້າພະເຈົ້າ, ສາມາດເວົ້າໄດ້ວ່າແມ່ນການບຸກທະລຸໃໝ່ຂອງການຮ່ວມມືລະຫວ່າງຈີນກັບຫວຽດນາມ, ກໍ່ຄື: ສອງປະເທດຈະສ້າງຕັ້ງໜ່ວຍງານປຶກສາຫາລືການຮ່ວມກັນພັດທະນາທາງທະເລ, ໜ່ວຍງານຮ່ວມມືດ້ານພື້ນຖານໂຄງລ່າງທາງບົກແລະໜ່ວຍງານດ້ານການທະນາຄານຢ່າງເປັນທາງການ, 3ໜ່ວຍງານນີ້ຈະພ້ອມກັນດຳເນີນການຮ່ວມມືລະຫວ່າງສອງປະເທດໃນ3ດ້ານດັ່ງກ່າວ."
ທ່ນຫຼີເຄີ້ສຽງໄດ້ເປີດເຜີຍວ່າ, ຈີນກັບຫວຽດນາມເຫັນເປັນເອກະສັນກັນວ່າ, ຄວນສືບຕໍ່ເພີ່ມທະວີຄວາມໄວ້ເນື້ອເຊື່ອໃຈກັນດ້ານການເມືອງລະຫວ່າງສອງປະເທດ, ຮັກສາການໄປມາຫາສູ່ກັນຂອງການນຳຂັ້ນສູງລະຫວ່າງສອງປະເທດ, ເປີດກວ້າງຜົນປະໂຫຍດຮ່ວມກັນລະຫວ່າງສອງປະເທດໃຫ້ຫຼາຍເທົ່າທີ່ຈະຫຼາຍໄດ້, ຄວບຄຸມແລະເຮັດໃຫ້ຄວາມຂັດແຍ້ງກັນລະຫວ່າງສອງປະເທດໃຫ້ໜ້ອຍລົງຈົນສຸດຄວາມສາມາດ, ແລະປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້. ທ່ານກ່າວວ່າ:
"ພວກເຮົາຈະພະຍາຍາມໃຫ້ໄດ້ຮັບຄວາມຄືບໜ້າຕົວຈິງໃນການຮ່ວມກັນພັດທະນາຮ່ວມກັນທາງທະເລຢູ່ນອກປາກອ່າວເປີຍປູ້, ປຶກສາຫາລືແລະຄົ້ນຄວ້າການຮ່ວມກັນພັດທະນາຢູ່ເຂດທະເລທີ່ມີຂອບເຂດທີ່ກວ້າງຂວາງກວ່າເກົ່າ. ເຊິ່ງຈະສະແດງໃຫ້ໂລກເຫັນຢ່າງຈະແຈ້ງວ່າ, ຈີນກັບຫວຽດນາມມີຄວາມສາມາດແລະມີສະຕິປັນຍາໃນການປົກປັກຮັກສາສັນຕິພາບຂອງເຂດທະເລຈີນໃຕ້, ເປີດກວ້າງຜົນປະໂຫຍດຮ່ວມຂອງພວກເຮົາ, ຄວບຄຸມແລະຫຼຸດຜ່ອນຄວາມຂັດແຍ້ງກັນໃຫ້ໜ້ອຍລົງ."
ທ່ານຫງວຽນເຕິນຢຸງເຫັນດີນຳຂໍ້ສະເໜີຂອງທ່ານຫຼີເຄີ້ສຽງກ່ຽວກັບການພັດທະນາການພົວພັນລະຫວ່າງສອງປະເທດຕື່ມອີກ, ກ່າວວ່າຫວຽດນາມຍິນດີຮ່ວມກັບຈີນຊຸກຍູ້ການຮ່ວມມືທາງທະເລ, ທາງບົກແລະດ້ານການທະນາຄານ, ພະຍາຍາມໃຫ້ໄດ້ຮັບຜົນສຳເລັດອັນຕັ້ງໜ້າແລະຕິດແທດຕົວຈິງໂດຍໄວ.ທ່ານກ່າວວ່າ:
"ສອງຝ່າຍເຫັນດີຮ່ວມກັນປົກປັກຮັກສາສັນຕິພາບແລະສະຖຽນລະພາບທາງທະເລ, ຄວບຄຸມຄວາມຂັດແຍ້ງກັນໃຫ້ດີ, ຍຶດໝັ້ນສະແຫວງຫາວິທີແກ້ໄຂດ້ວຍການເຈລະຈາແລະການປຶກສາຫາລືທີ່ມີໄມຕີຈິດ. ໂດຍອີງຕາມຈິດໃຈນີ້,ສອງຝ່າຍເຫັນດີຮ່ວມກັນພະຍາຍາມໃຫ້ໄດ້ຮັບຄວາມຄືບໜ້າທີ່ມີລັກສະນະທາດແທ້ກ່ຽວກັບບັນຫາການແບ່ງເສັ້ນຊາຍແດນຢູ່ນອກປາກອ່າວເປີຍປູ້ແລະການຮ່ວມກັນພັດທະນາ."
