ລັດຖະບານໄທກ່າວວ່າ ຫລາຍປະເທດໄດ້ວາງແຜນຈະຊື້ເຂົ້າສານຈາກໄທເພື່ອຮັບປະກັນຄວາມປອດໄພດ້ານສະບຽງອາຫານ
ໜັງສືພິມຫລຽນເຮີຈາວປ້າວຂອງສິງກະໂປລາຍງານວ່າ, ເມື່ອບໍ່ດົນມານີ້, ລັດຖະບານໄທກ່າວວ່າ, ເນື່ອງຈາກວ່າປັດຈຸບັນນີ້ບັນຫາການຮັບປະກັນສະບຽງອາຫານໄດ້ຮັບການເອົາໃຈໃສນັບມື້ນັບຫລາຍຂຶ້ນ, ຫລາຍປະເທດໄດ້ວາງແຜນຈະຊື້ເຂົ້າສານຈາກໄທເພື່ອຮັບປະກັນໃຫ້ມີສະບຽງອາຫານສໍາຮອງທີ່ພຽງພໍ.
ເມື່ອບໍ່ດົນມານີ້, ທ່ານຢານຢົງ ພວງລາດ, ລັດຖະມົນຕີຊ່ວຍວ່າການກະຊວງການຄ້າໄທກ່າວວ່າ, ການປ່ຽນແປງຂອງດິນຟ້າອາກາດໄດ້ເຮັດໃຫ້ລາຄາຂອງສະບຽງອາຫານເພີ່ມຂຶ້ນ, ຫລາຍປະເທດເປັນຫ່ວງວ່າຈະເຮັດໃຫ້ມີວິກິດການດ້ານສະບຽງອາຫານເກີດຂຶ້ນ. ສະນັ້ນປະເທດຕ່າງໆໄດ້ເລີ່ມຊື້ພືດພັນທັນຍາຫານຫລາຍກວ່າເກົ່າເພື່ອຮັບປະກັນການສະໜອງສະບຽງອາຫານ. ປະເທດດັ່ງກ່າວລວມທັງປະເທດສະມາຊິກອາຊຽນ, ປະເທດຕາເວັນອອກກາງແລະບາງປະເທດອາຟຼິກາ. ປັດຈຸບັນນີ້, ໄທໄດ້ດໍາເນີນການເຈລະຈາກັບຫລາຍປະເທດ ເພື່ອປຶກສາຫາລືເລື່ອງການຊື້ເຂົ້າສານຈາກໄທເລີ່ມແຕ່ປີໜ້າເປັນຕົ້ນໄປ.
