ງານສົນທະນາລະລຶກວັນກຳເນີດຂອງທ່ານສີຈົ້ງຊູ່ນຄົບຮອບ 100 ປີຈັດຂຶ້ນຢູ່ປັກກິ່ງ
(GMT+08:00) 2013-10-16 16:25:25 cri
ຕາມຂ່າວສານຊິນຮວາ: ງານສົນທະນາລະລຶກວັນກຳເນີດຂອງທ່ານສີຈົ້ງຊູ່ນ ຄົບຮອບ 100 ປີໄດ້ຈັດຂຶ້ນຢູ່ຫໍສະພາປະຊາຊົນປັກກິ່ງໃນຕອນເຊົ້າວັນທີ 15 ຕຸລານີ້. ທ່ານສີຈີ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມງານສົນທະນາດັ່ງກ່າວໃນນາມເປັນລູກຊາຍຂອງທ່ານສີຈົ້ງຊູ່ນ. ທ່ານຈ່າງເຕີຈ່ຽງ ກຳມະການປະຈຳກົມການເມືອງ ປະທານຄະນະປະຈຳສະພາປະຊາຊົນແຫ່ງຊາດຈີນກໍໄດ້ເຂົ້າຮ່ວມງານສົນທະນາເຊັ່ນດຽວກັນ.
ທ່ານສີຈົ້ງຊູ່ນແມ່ນສະມາຊິກທີ່ດີເດັ່ນຂອງພັກກອມມູນິດຈີນ, ແມ່ນນັກຮົບກອມມູນິດຜູ້ຍິ່ງໃຫຍ່, ແມ່ນນັກປະຕິວັດທີ່ດີເລີດຂອງຊົນຊັ້ນກຳມາຊີບ; ແມ່ນຜູ້ນຳວຽກງານການເມືອງຂອງພັກແລະກອງທັບພວກເຮົາ; ແມ່ນໜຶ່ງໃນບັນດາຜູ້ນຳຕົ້ນຕໍທີ່ສ້າງຕັ້ງແລະນຳພາເຂດທີ່ໝັ້ນປະຕິວັດສ້ານກ່ານປ່ຽນ, ທ່ານສີຈົ້ງຊູ່ນເຄີຍດຳລົງຕຳແໜ່ງຮອງນາຍົກລັດຖະມົນຕີ, ເລຂາທິການຂອງຄະນະເລຂາທິການສູນກາງພັກກອມມູນິດຈີນສະໄໝທີ 11, ກຳມະການກົມການເມືອງທັງເປັນເລຂາທິການຄະນະເລຂາທິການສູນກາງພັກກອມມູນິດຈີນສະໄໝທີ 12, ຮອງປະທານຄະນະປະຈຳສະພາປະຊາຊົນແຫ່ງຊາດຈີນຊຸດທີ 5 ແລະຊຸດທີ 7.
ໃນງານສົນທະນາ, ທ່ານຫຼີຈ້ຽນກົວ ກຳມະການກົມການເມືອງສູນກາງພັກກອມມູນິດຈີນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນໄດ້ກ່າວຄຳປາໄສ, ໂດຍໄດ້ຫວນຄືນຊີວະປະຫວັດທີ່ສະຫງ່າລາສີແລະຄຸນງາມຄວາມດີທີ່ອະມະຕະຂອງທ່ານສີຈົ້ງຊູ່ນຢ່າງຮອບດ້ານ, ແລະໄດ້ຮຽກຮ້ອງໃຫ້ຮ່ຳຮຽນ, ສືບທອດແລະສົ່ງເສີມຄຸນສົມບັດທີ່ສູງສົ່ງ, ນ້ຳໃຈປະຕິວັດ, ແບບແຜນທີ່ດີງາມແລະລັກສະນະທ່າທາງທີ່ສູງສົ່ງຂອງທ່ານສີຈົ້ງຊູ່ນ.
ທ່ານຫຼີຈ້ຽນກົວກ່າວວ່າ, ພວກເຮົາຈົ່ງສາມັກຄີກັນຢູ່ອ້ອມຂ້າງສູນກາງພັກກອມມູນິດຈີນໂດຍແມ່ນທ່ານສີຈີ້ນຜິງເປັນເລຂາທິການໃຫຍ່ຢ່າງແໜ້ນແຟ້ນ, ຍຶດໝັ້ນຖືທິດສະດີເຕີ້ງສຽວຜິງ, ແນວຄິດສຳຄັນກ່ຽວກັບ"ສາມຕົວແທນ"ແລະທັດສະນະພັດທະນາແບບວິທະຍາສາດເປັນສິ່ງຊີ້ນຳ, ຮ່ວມໃຈຮ່ວມແຮງກັນ, ບຸກເບີກກ້າວໄປໜ້າ, ພະຍາຍາມບາກບັ່ນສູ້ຊົນເພື່ອບັນລຸສອງເປົ້າໝາຍສູ້ຊົນຄື: ເມື່ອຮອດວັນສ້າງຕັ້ງພັກກອມມູນິດຈີນຄົບຮອບ 100 ປີ ຈະໄດ້ສ້າງສາສັງຄົມທີ່ອີ່ມໜຳສຳລານໃຫ້ສຳເລັດຢ່າງຮອບດ້ານ, ເມື່ອຮອດວັນສ້າງຕັ້ງສາທາລະນະລັດປະຊາຊົນຈີນຄົບຮອບ 100 ປີ ຈະໄດ້ສ້າງສາປະເທດຈີນໃຫ້ເປັນປະເທດສັງຄົມນິຍົມທີ່ທັນສະໄໝ, ມັ້ງຄັ້ງເຂັ້ມແຂງ, ມີປະຊາທິປະໄຕ, ມີອາລະຍະທຳ, ແລະມີຄວາມກົມກຽວກັນ, ແລະບັນລຸຄວາມໄຝ່ຝັນຂອງຈີນຄືຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ.
ທ່ານສີຈົ້ງຊູ່ນແມ່ນສະມາຊິກທີ່ດີເດັ່ນຂອງພັກກອມມູນິດຈີນ, ແມ່ນນັກຮົບກອມມູນິດຜູ້ຍິ່ງໃຫຍ່, ແມ່ນນັກປະຕິວັດທີ່ດີເລີດຂອງຊົນຊັ້ນກຳມາຊີບ; ແມ່ນຜູ້ນຳວຽກງານການເມືອງຂອງພັກແລະກອງທັບພວກເຮົາ; ແມ່ນໜຶ່ງໃນບັນດາຜູ້ນຳຕົ້ນຕໍທີ່ສ້າງຕັ້ງແລະນຳພາເຂດທີ່ໝັ້ນປະຕິວັດສ້ານກ່ານປ່ຽນ, ທ່ານສີຈົ້ງຊູ່ນເຄີຍດຳລົງຕຳແໜ່ງຮອງນາຍົກລັດຖະມົນຕີ, ເລຂາທິການຂອງຄະນະເລຂາທິການສູນກາງພັກກອມມູນິດຈີນສະໄໝທີ 11, ກຳມະການກົມການເມືອງທັງເປັນເລຂາທິການຄະນະເລຂາທິການສູນກາງພັກກອມມູນິດຈີນສະໄໝທີ 12, ຮອງປະທານຄະນະປະຈຳສະພາປະຊາຊົນແຫ່ງຊາດຈີນຊຸດທີ 5 ແລະຊຸດທີ 7.
ໃນງານສົນທະນາ, ທ່ານຫຼີຈ້ຽນກົວ ກຳມະການກົມການເມືອງສູນກາງພັກກອມມູນິດຈີນ ຮອງປະທານຄະນະປະຈຳສະພາປະຊາຊົນແຫ່ງຊາດຈີນໄດ້ກ່າວຄຳປາໄສ, ໂດຍໄດ້ຫວນຄືນຊີວະປະຫວັດທີ່ສະຫງ່າລາສີແລະຄຸນງາມຄວາມດີທີ່ອະມະຕະຂອງທ່ານສີຈົ້ງຊູ່ນຢ່າງຮອບດ້ານ, ແລະໄດ້ຮຽກຮ້ອງໃຫ້ຮ່ຳຮຽນ, ສືບທອດແລະສົ່ງເສີມຄຸນສົມບັດທີ່ສູງສົ່ງ, ນ້ຳໃຈປະຕິວັດ, ແບບແຜນທີ່ດີງາມແລະລັກສະນະທ່າທາງທີ່ສູງສົ່ງຂອງທ່ານສີຈົ້ງຊູ່ນ.
ທ່ານຫຼີຈ້ຽນກົວກ່າວວ່າ, ພວກເຮົາຈົ່ງສາມັກຄີກັນຢູ່ອ້ອມຂ້າງສູນກາງພັກກອມມູນິດຈີນໂດຍແມ່ນທ່ານສີຈີ້ນຜິງເປັນເລຂາທິການໃຫຍ່ຢ່າງແໜ້ນແຟ້ນ, ຍຶດໝັ້ນຖືທິດສະດີເຕີ້ງສຽວຜິງ, ແນວຄິດສຳຄັນກ່ຽວກັບ"ສາມຕົວແທນ"ແລະທັດສະນະພັດທະນາແບບວິທະຍາສາດເປັນສິ່ງຊີ້ນຳ, ຮ່ວມໃຈຮ່ວມແຮງກັນ, ບຸກເບີກກ້າວໄປໜ້າ, ພະຍາຍາມບາກບັ່ນສູ້ຊົນເພື່ອບັນລຸສອງເປົ້າໝາຍສູ້ຊົນຄື: ເມື່ອຮອດວັນສ້າງຕັ້ງພັກກອມມູນິດຈີນຄົບຮອບ 100 ປີ ຈະໄດ້ສ້າງສາສັງຄົມທີ່ອີ່ມໜຳສຳລານໃຫ້ສຳເລັດຢ່າງຮອບດ້ານ, ເມື່ອຮອດວັນສ້າງຕັ້ງສາທາລະນະລັດປະຊາຊົນຈີນຄົບຮອບ 100 ປີ ຈະໄດ້ສ້າງສາປະເທດຈີນໃຫ້ເປັນປະເທດສັງຄົມນິຍົມທີ່ທັນສະໄໝ, ມັ້ງຄັ້ງເຂັ້ມແຂງ, ມີປະຊາທິປະໄຕ, ມີອາລະຍະທຳ, ແລະມີຄວາມກົມກຽວກັນ, ແລະບັນລຸຄວາມໄຝ່ຝັນຂອງຈີນຄືຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ.
