ບໍລິສັດການບິນລາວ: ສຳຫຼວດເຫັນສາເຫດເບື້ອງຕົ້ນຂອງການເກີດເຫດຍົນຕົກ
(GMT+08:00) 2013-10-17 16:08:51 cri
ວັນທີ 17 ຕຸລານີ້, ບໍລິສັດການບິນລາວໄດ້ຈັດກອງປະຊຸມຂ່າວກ່ຽວກັບເຫດການຍົນຕົກຢູ່ປາກເຊ. ຜູ້ອຳ ນວຍການໃຫຍ່ຂອງບໍລິສັດການບິນລາວໄດ້ແຈ້ງຜົນການສຳຫຼວດຕໍ່ເຫດການຍົນຕົກ, ເຊິ່ງສະແດງໃຫ້ ເຫັນວ່າອາກາດທີ່ຂີ້ຣ້າຍແມ່ນສາເຫດສຳຄັນທີ່ພາໃຫ້ເກີດເຫດການເທື່ອນີ້.
ຫຼັງຈາກໄດ້ເກີດເຫດແລ້ວ, ໜ່ວຍງານສະເພາະກິດຂອງບຊໍລິສັດການບິນລາວໄດ້ເດີນທາງໄປສູ່ບ່ອນເກີດເຫດເພື່ອດຳເນີນການສຳຫຼວດ,ປັດຈຸບັນ, ໄດ້ຊອກເຫັນຊາກສົບຂອງຜູ້ເສຍຊີວິດ 6 ສົບແລ້ວ, ວຽກງານກູ້ໄພຍັງພວມດຳເນີນຢ່າງຂ້ຽວຂາດຢູ່.
ບໍລິສັດການບິນລາວກ່າວວ່າ, ອີງຕາມການສຳຫຼວດໃນເບື້ອງຕົ້ນແລ້ວສາມາດຕັດສິນວ່າ, ອາກາດທີ່ຂີ້ຮ້າຍແມ່ນສາເຫດສຳຄັນທີ່ພາໃຫ້ເກີດເຫດການຍົນຕົກເທື່ອນີ້.
ຂ່າວແຈ້ງວ່າ, ຍົນທີ່ຕົກເທື່ອນີ້ແມ່ນຍົນ ATR-72, ແມ່ນຍົນທີ່ຜະລິດໂດຍບໍລິສັດ ATR ທີ່ມີຝຣັ່ງແລະອີຕາລີເປັນຜູ້ຮ່ວມທຶນ. ວັນທີ 28 ເມສາປີນີ້, ລາວໄດ້ຊື້ຍົນລຳດັ່ງກ່າວ, ນັບມາຮອດການເກີດເຫດການເທື່ອນີ້, ຍົນດັ່ງກ່າວໄດ້ດຳເນີນໜ້າທີ່ການບິນ 774 ເທື່ອ, ລວມ 758 ຊົ່ວໂມງ. ວັນທີ 16 ຕຸລານີ້ທີ່ເກີດເຫດແມ່ນນັກບິນສັນຊາດກຳປູເຈຍກຳລັງຂັບຍົນລຳນີ້ຢູ່.
