ວຽກງານກູ້ໄພຂອງຍົນໂດຍສານລາວທີ່ຕົກນັ້ນພວມດຳເນີນຢູ່
(GMT+08:00) 2013-10-17 17:25:21 cri
ວິທະຍຸສາກົນແຫ່ງປະເທດຈີນລາຍງານວ່າ:ວັນທີ 17 ຕຸລານີ້, ຜູ້ຮັບຜິດຊອບຂອງບໍລິສັດການບິນລາວກ່າວວ່າ, ວຽກງານຊອກຫາຍົນໂດຍສານທີ່ຕົກໃນແມ່ນ້ຳຂອງນັ້ນກຳລັງດຳເນີນໄປຢ່າງຂ້ຽວຂາດ, ນັບມາຮອດປັດຈຸບັນ, ຍັງບໍ່ທັນຊອກເຫັນຊາກຂອງຍົນທີ່ຕົກ.
ຜູ້ຮັບຜິດຊອບຜູ້ນີ້ກ່າວວ່າ, ບໍລິສັດການບິນລາວໄດ້ສົ່ງນໜ່ວຍງານກູ້ໄພຮ່ວມກັບຄະນະກຳມະການກູ້ໄພແຫ່ງຊາດລາວດຳເນີນການຊອກຫາແລະສຳຫຼວດສາເຫດເກີດເຫດ, ການສຳຫຼວດເບື້ອງຕົ້ນສະແດງໃຫ້ເຫັນວ່າອາດຈະແມ່ນຍ້ອນອາກາດຂີ້ຮ້າຍຫຼາຍ,ຈິ່ງພາໃຫ້ເກີດເຫດ. ແຕ່ປັດຈຸບັນຍັງບໍ່ທັນມີການຕົກລົງຢ່າງເປັນທາງການ.
ຂ່າວແຈ້ງວ່າ, ຍົນໂດຍສານດັ່ງກ່າວບິນຂຶ້ນຈາກສະໜາມບິນວັດໄຕທີ່ນະຄອນຫຼວງວຽງຈັນໃນເວລາ 14 ໂມງ 45 ນາທີຕາມເວລາວຽງຈັນ, ເວລາ 17 ໂມງໄດ້ເດີນທາງໄປຮອດສະໜາມບິນປາກເຊ, ແຕ່ເກີດອຸບັດເຫດແລ້ວຕົກລົງແມ່ນ້ຳຂອງ. ຢູ່ໃນຍົນດັ່ງກ່າວມີຜູ້ໂດຍສານ 40 ກວ່າຄົນເຊິ່ງລວມທັງຄົນຈີນ 2 ຄົນ.
ສະຖານທູດຈີນປະຈຳລາວໄດ້ໃຫ້ຄວາມສົນໃຈຢ່າງສູງຕໍ່ເຫດການເທື່ອນີ້, ໄດ້ຕິດຕໍ່ພົວພັນກັບບໍລິສັດການບິນລາວ, ກະຊວງການຕ່າງປະເທດລາວແລະພາກສ່ວນທີ່ກ່ຽວຂ້ອງຕ່າງໆຢ່າງໃກ້ຊິດ, ເພື່ອຊຳລະວຽກງານທີ່ກ່ຽວຂ້ອງ.
