ເດືອນມັງກອນຮອດເດືອນສິງຫາປີນີ້ ອົງການໄອຍະການຈີນສືບສວນສອບ-ສວນຄະດີສໍ້ລາດບັງຫຼວງແລະກິນສິນບົນ 2 ໝື່ນກວ່າຄະດີ,ໃນນັ້ນໄດ້ກ່ຽວຂ້ອງກັບພະນັກງານຂັ້ນພະແນກຂຶ້ນໄປ 129 ຄົນ
ຕາມຂ່າວສານຊິນຮວາ: ອົງການໄອຍະການປະຊາຊົນສູງສຸດຂອງຈີນເຜີຍໃຫ້ຮູ້ວ່າ,ແຕ່ເດືອນມັງກອນຮອດເດືອນສິງຫາປີນີ້ ອົງການໄອຍະການຈີນໄດ້ສືບສວນສອບ-ສວນຄະດີສໍ້ລາດບັງຫຼວງແລະກິນສິນບົນ 22617 ຄະດີ, ເພີ່ມຂຶ້ນ 3,6% ເມື່ອທຽບກັບເວລາດຽວກັນຂອງປີກາຍ;ໄດ້ກ່ຽວພັນເຖິງ 30938 ຄົນ,ເພີ່ມຂຶ້ນ3,8%. ໃນນັ້ນ,ປະຊາຊົນລາຍງານ 7080 ຄະດີ; ມີຄະດີໜັກກ່ຽວກັບສໍ້ລາດບັງຫຼວງແລະກິນສິນບົນກ່ຽວພັນເຖິງ 1761 ຄົນ,ໃນນັ້ນມີພະນັກງານຂັ້ນພະແນກຂຶ້ນໄປ 129 ຄົນ.
ແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກຄອມມູນິດຈີນເປັນຕົ້ນມາ,ອົງການໄອຍະການສູງສຸດໄດ້ເອົາໃຈໃສ່ໃນລະດັບສູງຕໍ່ວຽກງານຕ້ານການກິນສິນບົນ,ໄດ້ສະເໜີຄວາມຮຽກຮ້ອງອັນຊັດເຈນມາຫຼາຍຄັ້ງແລ້ວຕໍ່ການເພີ່ມທະວີການສືບສວນ-ສອບສວນແລະການປະຕິບັດຕາມກົດໝາຍຢ່າງເປັນແບບລະບົບ.
