ກະຊວງການຕ່າງປະເທດຈີນຈະຊ່ວຍເຫລືອຄອບຄົວຂອງຜູ້ປະສົບອຸບັດຕິເຫດເຮືອບິນຕົກຢູ່ລາວຢ່າງຕັ້ງໜ້າ
(GMT+08:00) 2013-10-18 11:01:50 cri
ວັນທີ 17 ຕຸລານີ້, ທ່ານນາງຮົ໋ວຊຸ໋ນຢິງ, ໂຄສົກກະຊວງການຕ່າງປະເທດຈີນກ່າວຢູ່ນະຄອນຫລວງປັກກິ່ງຂອງຈີນວ່າ, ສູນປົກປ້ອງຂອງກົງສຸນກະຊວງການຕ່າງປະເທດຈີນແລະສະຖານທູດຈີນປະຈໍາລາວຈະຕິດຕາມຄວາມຄືບໜ້າການແກ້ໄຂເຫດການເຮືອບິນຕົກຢູ່ລາວຢ່າງໃກ້ຊິດ ແລະໃຫ້ການຊ່ວຍເຫລືອຢ່າງຈໍາເປັນແກ່ຄອບຄົວຂອງຜູ້ປະສົບເຄາະຮ້າຍຂອງຈີນໃນອຸບັດຕິເຫດເຮືອບິນຕົກຢູ່ລາວ.
ທ່ານນາງຮົ໋ວຊຸ໋ນຢິງກ່າວວ່າ, ວັນທີ 16 ຕຸລານີ້, ເຮືອບິນໂດຍສານລໍາໜຶ່ງຂອງບໍລິສັດລັດວິສາຫະກິດການບິນລາວໄດ້ເກີດອຸບັດຕິເຫດຕົກ, ມີຜູ້ໂດຍສານຈີນ 2 ຄົນໄດ້ເສຍຊີວິດ ເຊິ່ງລວມທັງພີ່ນ້ອງຮ່ວມຊາດໃຕ້ຫວັນ 1 ຄົນ. ພາຍຫລັງໄດ້ເກີດອຸບັດຕິເຫດແລ້ວ, ກະຊວງການຕ່າງປະເທດຈີນໃຫ້ຄວາມສໍາຄັນເປັນຢ່າງສູງຕໍ່ເລື່ອງນີ້, ສູນປົກປ້ອງຂອງກົງສຸນກໍເລີ່ມດໍາເນີນກົນໄກຮັບມືກັບສະພາບສຸກເສິນຢ່າງທັນທີ. ສະຖານທູດຈີນປະຈໍາລາວກໍໄດ້ຂໍຂໍ້ມູນທີ່ລະອລະອຽດສະພາບທີ່ກ່ຽວຂ້ອງກັບກະຊວງການຕ່າງປະເທດລາວແລະບໍລິສັດການບິນທີ່ກ່ຽວຂ້ອງເພື່ອຢືນຢັນຜູ້ປະສົບໄພຂອງຈີນ ແລະຮຽກຮ້ອງໃຫ້ເຈົ້າໜ້າທີ່ກ່ຽວຂ້ອງຂອງລາວເພີ່ມທະວີການຊ່ວຍເຫລືອແລະແຈ້ງສະພາບທີ່ກ່ຽວຂ້ອງໃຫ້ຝ່າຍຈີນຊາບ. ສະຖານທູດຈີນປະຈໍາລາວໄດ້ຕິດຕໍ່ກັບຄອບຄົວຂອງຜູ້ປະສົບໄພຂອງຈີນ ແລະຈະໃຫ້ການຊ່ວຍເຫລືອທີ່ຈໍາເປັນຢ່າງຕັ້ງໜ້າແລະທັນການ.
ທ່ານນາງຮົ໋ວຊຸ໋ນຢິງກ່າວວ່າ, ວັນທີ 16 ຕຸລານີ້, ເຮືອບິນໂດຍສານລໍາໜຶ່ງຂອງບໍລິສັດລັດວິສາຫະກິດການບິນລາວໄດ້ເກີດອຸບັດຕິເຫດຕົກ, ມີຜູ້ໂດຍສານຈີນ 2 ຄົນໄດ້ເສຍຊີວິດ ເຊິ່ງລວມທັງພີ່ນ້ອງຮ່ວມຊາດໃຕ້ຫວັນ 1 ຄົນ. ພາຍຫລັງໄດ້ເກີດອຸບັດຕິເຫດແລ້ວ, ກະຊວງການຕ່າງປະເທດຈີນໃຫ້ຄວາມສໍາຄັນເປັນຢ່າງສູງຕໍ່ເລື່ອງນີ້, ສູນປົກປ້ອງຂອງກົງສຸນກໍເລີ່ມດໍາເນີນກົນໄກຮັບມືກັບສະພາບສຸກເສິນຢ່າງທັນທີ. ສະຖານທູດຈີນປະຈໍາລາວກໍໄດ້ຂໍຂໍ້ມູນທີ່ລະອລະອຽດສະພາບທີ່ກ່ຽວຂ້ອງກັບກະຊວງການຕ່າງປະເທດລາວແລະບໍລິສັດການບິນທີ່ກ່ຽວຂ້ອງເພື່ອຢືນຢັນຜູ້ປະສົບໄພຂອງຈີນ ແລະຮຽກຮ້ອງໃຫ້ເຈົ້າໜ້າທີ່ກ່ຽວຂ້ອງຂອງລາວເພີ່ມທະວີການຊ່ວຍເຫລືອແລະແຈ້ງສະພາບທີ່ກ່ຽວຂ້ອງໃຫ້ຝ່າຍຈີນຊາບ. ສະຖານທູດຈີນປະຈໍາລາວໄດ້ຕິດຕໍ່ກັບຄອບຄົວຂອງຜູ້ປະສົບໄພຂອງຈີນ ແລະຈະໃຫ້ການຊ່ວຍເຫລືອທີ່ຈໍາເປັນຢ່າງຕັ້ງໜ້າແລະທັນການ.
