ລັດຖະບານສ.ເກົາຫລີສະແດງຄວາມເປັນຫ່ວງແລະຄວາມຜິດຫວັງຕໍ່ນາຍົກລັດຖະມົນຕີຍີ່ປຸ່ນທີ່ມອບເຄື່ອງບູຊາແກ່ຫໍໄຫວ້ຢາຊຸຄຸນິ
ວັນທີ 17 ຕຸລານີ້, ທ່ານໂຈ ເທ-ຢົງ, ໂຄສົກກະຊວງການຕ່າງປະເທດສ.ເກົາຫລີກ່າວໃນກອງປະຊຸມຂ່າວວ່າ, ລັດຖະບານສ.ເກົາຫລີສະແດງຄວາມເປັນຫ່ວງແລະຄວາມຜິດຫວັງຕໍ່ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນທີ່ມອບເຄື່ອງບູຊາແກ່ຫໍໄຫວ້ຢາຊຸຄຸນິ. ທ່ານໂຈ ເທ-ຢົງກ່າວວ່າ, ລັດຖະບານສ.ເກົາຫລີຮູ້ສຶກເປັນຫ່ວງແລະຜິດຫວັງເປັນຢ່າງຍິ່ງຕໍ່ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນທີ່ໄດ້ມອບເຄື່ອງບູຊາອີກແກ່ຫໍໄຫວ້ຢາຊຸຄຸນິທີ່ບູຊາອາຊະຍະກອນສົງຄາມອັນດັບໜຶ່ງໃນສະໄໝສົງຄາມໂລກຄັ້ງທີສອງແລະຕົກແຕ່ງສົງຄາມຮຸກຮານ. ພວກຂ້າພະເຈົ້າເຕືອນໃຫ້ບຸກຄົນການເມືອງຍີ່ປຸ່ນສໍາຫລວດປະຫວັດສາດທີ່ຜ່ານມາ ແລະສ້າງຄວາມໄວ້ເນື້ອເຊື່ອໃຈຈາກປະເທດອ້ອມຂ້າງແລະປະຊາຄົມໂລກ.
ພ້ອມນັ້ນ, ຕໍ່ການວິຈານຂອງຍີ່ປຸ່ນທີ່ວ່າ ທ່ານຊິນໂຈ ອາເບະໄດ້ຕັດສິນໃຈຈະໃຊ້ການມອບເຄື່ອງແທນການໄປເຄົາລົບຫໍໄຫວ້ຢາຊຸຄຸນິແມ່ນຢ້ານການປະທ້ວງຂອງປະເທດອ້ອມຂ້າງ, ທ່ານ ໂຈ ເທ-ຢົງກ່າວວ່າຈະບໍ່ເຫັນດີນໍາຕໍ່ການວິຈານດັ່ງກ່າວ.
