ໂຄສົກກະຊວງການຕ່າງປະເທດຈີນເຕືອນຍີ່ປຸ່ນອີກໂດຍໃຫ້ແກ້ໄຂບັນຫາກ່ຽວກັບຫໍໄຫວ້ຢາຊຸຄຸນິຢ່າງເໝາະສົມ
ວັນທີ 17 ຕຸລານີ້, ທ່ານນາງຮວ໋າຊຸ໋ນຢິງ, ໂຄສົກກະຊວງການຕ່າງປະເທດຈີນໄດ້ເຕືອນໃຫ້ຍີ່ປຸ່ນປະເຊີນໜ້າແລະສໍານຶກຄືນປະຫວັດສາດກ່ຽວກັບການຮຸກຮານຂອງຕົນ ແລະແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.
ໃນກອງປະຊຸມຂ່າວໃນມື້ດຽວກັນ, ມີນັກຂ່າວຖາມວ່າ, ຂ່າວແຈ້ງວ່າ, ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນຕັດສິນໃຈຈະບໍ່ໄປເຄົາລົບຫໍໄຫວ້ຢາຊຸຄຸນິໃນໄລຍະບູຊາໃຫຍ່ຂອງລະດູໃບໄມ້ຫລົ່ນ, ແຕ່ທ່ານຊິນໂຈນ ອາເບະຈະມອບເຄື່ອງບູຊາແກ່ຫໍໄຫວ້ຢາຊຸຄຸນິແທນ. ຈີນມີການວິຈານແນວໃດຕໍ່ເລື່ອງນີ້?
ທ່ານນາງຮວ໋າຊຸ໋ນຢິງກ່າວວ່າ, ຈີນໄດ້ສະແດງທ່າທີແລະຫລັກໝັ້ນຂອງຕົນຫລາຍຄັ້ງໃນບັນຫາຫໍໄຫວ້ຢາຊຸຄຸນິ. ພວກຂ້າພະເຈົ້າເຕືອນຍີ່ປຸ່ນອີກໂດຍໃຫ້ປະເຊີນໜ້າແລະສໍານຶກຄືນປະຫວັດສາດກ່ຽວກັບການຮຸກຮານຂອງຕົນຢ່າງຕັ້ງໜ້າ, ເຄົາລົບນັບຖືອາລົມຈິດຂອງປະຊາຊົນຂອງປະເທດທີ່ປະສົບເຄາະຮ້າຍໃນອາຊີ ເຊັ່ນຈີນແລະອື່ນໆ ແລະແກ້ໄຂບັນຫາທີ່ກ່ຽວຂ້ອງຢ່າງເໝາະສົມ.
