ອັງກິດປະກາດວ່າ ຈະຈັດກອງປະຊຸມຂັ້ນລັດຖະມົນຕີກ່ຽວກັບບັນຫາຊີຣີ ຢູ່ລອນດອນ
(GMT+08:00) 2013-10-19 14:35:18 cri
ວັນທີ 18 ຕຸລານີ້, ທ່ານວິນລຽມ ຮາເກີ, ລັດຖະມົນຕີວ່າການກະຊວງການຕ່າງປະເທດອັງກິດປະກາດວ່າ, ອັງກິດຈະຈັດກອງປະຊຸມໜ່ວຍງານໃຈກາງ "ເພື່ອນມິດຂອງຊີຣີ" ໃນວັນທີ 22 ຕຸລານີ້, ເພື່ອຫາລືວິກິດການຊີຣີແລະບັນຫາທີ່ກ່ຽວຂ້ອງກັບກອງປະຊຸມເຊີແນວຄັ້ງທີ 2.
ທ່ານຮາເກີກ່າວວ່າ, ມະຕິເລກທີ 2118 ຂອງສະພາຄວາມໝັ້ນຄົງສະຫະປະຊາຊາດ ຮຽກຮ້ອງໃຫ້ຈັດກອງປະຊຸມສາກົນກ່ຽວກັບບັນຫາຊີຣີ, ເພື່ອຈັດຕັ້ງປະຕິບັດ "ປະກາດແຈ້ງການເຊີແນວ" ທີ່ເຊັນກັນໃນຫວ່າງມໍ່ໆນີ້. ປະກາດແຈ້ງການຮຽກຮ້ອງໃຫ້ສ້າງຕັ້ງອຳນາດການປົກຄອງລັກສະນະຊົ່ວຄາວຢູ່ຊີຣີ, ເພື່ອປະຕິບັດອຳນາດການປົກຄອງຮອບດ້ານ, ອຳນາດການປົກຄອງນີ້ ຄວນລວມທັງລັດຖະບານຊີຣີ, ສະມາຊິກຝ່າຍຕໍ່ຕ້ານລັດຖະບານແລະໝູ່ຄະນະອື່ນໆ, ແລະສ້າງຂຶ້ນບົນພື້ນຖານປຶກສາຫາລືເປັນເອກະພາບກັນ. ເພື່ອບັນລຸຈຸດປະສົງດັ່ງກ່າວ, ອັງກິດຕົກລົງເປັນປະທານຈັດ ກອງປະຊຸມ "11 ຝ່າຍຂອງລອນດອນ", ເພື່ອຫາລືການກະກຽມກອງປະຊຸມເຊີແນວຄັ້ງທີ 2, ສະແດງການສະໜັບສະໜູນຕໍ່ສະຫະພັນທົ່ວປະເທດຊີຣີ, ແລະສະແດງໃຫ້ເຫັນເຖິງຄວາມພະຍາຍາມຂອງປະເທດທີ່ກ່ຽວຂ້ອງເພື່ອສິ້ນສຸດການປະທະກັນຂອງຊີຣີ ແລະບັນລຸແຜນການແກ້ໄຂດ້ານການເມືອງ.
ໜ່ວຍງານໃຈກາງ "ເພື່ອນມິດຂອງຊີຣີ" ທີ່ຖືກເອີ້ນວ່າ "11 ຝ່າຍຂອງລອນດອນ" ລວມທັງຜູ້ຕາງໜ້າໃຫ້ແກ່ອາເມລິກາ, ອັງກິດ, ຝະຣັ່ງ, ເຢຍລະມັນ, ອີຕາລີ, ເອຢິບ, ຊອກດານີ, ອາຣັບບີຊາວຸດິດ, ຕວກກີ, ສະຫະລັດອາຣັບເອມີເຣດແລະສະຫະພັນທົ່ວປະເທດທີ່ເປັນ ຝ່າຍຕໍ່ຕ້ານລັດຖະບານຂອງຊີຣີ.
ທ່ານຮາເກີກ່າວວ່າ, ມະຕິເລກທີ 2118 ຂອງສະພາຄວາມໝັ້ນຄົງສະຫະປະຊາຊາດ ຮຽກຮ້ອງໃຫ້ຈັດກອງປະຊຸມສາກົນກ່ຽວກັບບັນຫາຊີຣີ, ເພື່ອຈັດຕັ້ງປະຕິບັດ "ປະກາດແຈ້ງການເຊີແນວ" ທີ່ເຊັນກັນໃນຫວ່າງມໍ່ໆນີ້. ປະກາດແຈ້ງການຮຽກຮ້ອງໃຫ້ສ້າງຕັ້ງອຳນາດການປົກຄອງລັກສະນະຊົ່ວຄາວຢູ່ຊີຣີ, ເພື່ອປະຕິບັດອຳນາດການປົກຄອງຮອບດ້ານ, ອຳນາດການປົກຄອງນີ້ ຄວນລວມທັງລັດຖະບານຊີຣີ, ສະມາຊິກຝ່າຍຕໍ່ຕ້ານລັດຖະບານແລະໝູ່ຄະນະອື່ນໆ, ແລະສ້າງຂຶ້ນບົນພື້ນຖານປຶກສາຫາລືເປັນເອກະພາບກັນ. ເພື່ອບັນລຸຈຸດປະສົງດັ່ງກ່າວ, ອັງກິດຕົກລົງເປັນປະທານຈັດ ກອງປະຊຸມ "11 ຝ່າຍຂອງລອນດອນ", ເພື່ອຫາລືການກະກຽມກອງປະຊຸມເຊີແນວຄັ້ງທີ 2, ສະແດງການສະໜັບສະໜູນຕໍ່ສະຫະພັນທົ່ວປະເທດຊີຣີ, ແລະສະແດງໃຫ້ເຫັນເຖິງຄວາມພະຍາຍາມຂອງປະເທດທີ່ກ່ຽວຂ້ອງເພື່ອສິ້ນສຸດການປະທະກັນຂອງຊີຣີ ແລະບັນລຸແຜນການແກ້ໄຂດ້ານການເມືອງ.
ໜ່ວຍງານໃຈກາງ "ເພື່ອນມິດຂອງຊີຣີ" ທີ່ຖືກເອີ້ນວ່າ "11 ຝ່າຍຂອງລອນດອນ" ລວມທັງຜູ້ຕາງໜ້າໃຫ້ແກ່ອາເມລິກາ, ອັງກິດ, ຝະຣັ່ງ, ເຢຍລະມັນ, ອີຕາລີ, ເອຢິບ, ຊອກດານີ, ອາຣັບບີຊາວຸດິດ, ຕວກກີ, ສະຫະລັດອາຣັບເອມີເຣດແລະສະຫະພັນທົ່ວປະເທດທີ່ເປັນ ຝ່າຍຕໍ່ຕ້ານລັດຖະບານຂອງຊີຣີ.
