ລັດຖະບານລາວ ສະແດງຄວາມເສຍໃຈ ຕໍ່ອຸປະຕິເຫດເຮືອບິນຕົກ ຂະນະທີ່ພາກສ່ວນກ່ຽວຂ້ອງ ເລັ່ງເກັບກູ້ຊາກເຮືອບິນ ແລະ ສົບຜູ້ເສຍຊີວິດ
(GMT+08:00) 2013-10-19 13:28:34 cri
ຂປລ. ມາຮອດປະຈຸບັນ ທາງພາກສ່ວນກ່ຽວຂ້ອງ ທີ່ຮັບຜິດຊອບເກັບກູ້ຊາກເຮືອບິນ ATR 72-600, ຖ້ຽວບິນ Qv 301 ແລະ ຜູ້ເສຍຊີວິດຈາກເຫດ ການເຮືອບິນຕົກ ເມື່ອວັນທີ 16/10/2013, ພວມຂຸ້ນຂ້ຽວຊອກຫາຊາກເຮືອບິນ ແລະ ຜູ້ເສຍຊີວິດ ຊຶ່ງຄາດວ່າເສຍຊີວິດໝົດ, ມາຮອດຕອນເຊົ້າວັນທີ 18 ຕຸລາ 2013 ນີ້ ສາມາດເກັບກູ້ສົບຜູ້ເສຍຊີວິດໄດ້ແລ້ວຈໍານວນ 14 ສົບ ແຕ່ຍັງບໍ່ສາມາດພິສູດສັນຊາດໄດ້. ຕໍ່ກັບເຫດການນີ້, ລັດຖະບານລາວ ໄດ້ອອກແຈ້ງການ ເພື່ອສະແດງຄວາມເປັນຫ່ວງເປັນໃຍ ແລະ ເສຍໃຈຕໍ່ເຫດການ, ໂດຍແມ່ນ ທ່ານ ເພັດສາຄອນ ຫລວງອາໄພ ລັດຖະມົນຕີຊ່ວຍ ວ່າການ, ຮອງຫົວໜ້າຫ້ອງວ່າການລັດຖະບານ ໄດ້ຕາງໜ້າໃຫ້ລັດຖະບານ ເປັນຜູ້ຖະແຫລງຂ່າວ ໃນຕອນເຊົ້າວັນທີ 18 ຕຸລາ 2013 ນີ້ ຢູ່ທີ່ ຫ້ອງວ່າການລັດຖະບານ.
ທ່ານ ເພັດສາຄອນ ຫລວງອາໄພ ໄດ້ກ່າວວ່າ: ລັດຖະບານ ແຫ່ງ ສປປ.ລາວ ສະແດງຄວາມເສຍໃຈ ຕໍ່ເຫດການທີ່ເກີດຂຶ້ນ ຊຶ່ງຖືວ່າເປັນຄວາມສູນ ເສຍຊີວິດ ແລະ ຊັບສິນຄັ້ງຍິ່ງໃຫຍ່ ທີ່ບໍ່ເຄີຍມີມາກ່ອນ, ລັດຖະບານລາວຖືໂອກາດນີ້ ແບ່ງເບົາຄວາມທຸກໂສກ ນຳຄອບຄົວພີ່ນ້ອງຊາວຕ່າງປະເທດ ແລະ ພາຍໃນປະເທດ, ລັດຖະບານຈະພະຍາຍາມສຸດຄວາມສາມາດຂອງຕົນ ເພື່ອຊອກຄົ້ນ, ເກັບກູ້ຊາກສົບຂອງຜູ້ເສຍຊີວິດ ແລະ ທໍາບຸນກຸສົນຕາມປະເພນີ. ດັ່ງນັ້ນ ເພື່ອແກ້ໄຂອຸປະຕິເຫດດັ່ງກ່າວ ໃຫ້ດຳເນີນໄປຢ່າງວ່ອງໄວ ແລະ ທັນການ, ທ່ານນາຍົກລັດຖະມົນຕີ ໄດ້ຊີ້ນຳດັ່ງນີ້: ມອບໃຫ້ຄະນະປ້ອງກັນ ແລະ ຄວບຄຸມໄພພິບັດແຫ່ງຊາດ ແລະ ແຂວງຈຳປາສັກ ປະກອບເປັນຄະນະຊອກຄົ້ນ ແລະ ເກັບກູ້ຊາກສົບຂອງຜູ້ເຄາະຮ້າຍ ໂດຍ ແມ່ນລັດຖະມົນຕີ ວ່າການກະຊວງໂຍທາທິການ ແລະ ຂົນສົ່ງ ພ້ອມເຈົ້າແຂວງຈຳປາສັກ ເປັນຫົວໜ້າຄະນະ, ແຕ່ງຕັ້ງຄະນະຮັບຜິດຊອບງານຊາປານາກິດສົບ ຂອງຜູ້ເຄາະຮ້າຍ ຊຶ່ງຈະຈັດຂຶ້ນ ຢູ່ແຂວງຈຳປາສັກ, ພ້ອມກັນນັ້ນໃຫ້ມີພິທີໄວ້ອາໄລ 1 ນາທີ ທົ່ວປະເທດພ້ອມກັນ. ສຳລັບການພົວພັນ, ແກ້ໄຂບັນຫາ ນະໂຍບາຍຕ່າງໆກັບອົງການຈັດຕັ້ງ ແລະ ຄອບຄົວພີ່ນ້ອງຂອງຜູ້ເສຍຊີວິດ ໃຫ້ດຳເນີນການຕາມລະບຽບການ, ກົດໝາຍຂອງລາວ, ກະຕິກາສາກົນ ແລະ ສັນຍາປະກັນໄພ ຂອງບໍລິສັດການບິນລາວ ໂດຍມອບໃຫ້ກະຊວງການຕ່າງປະເທດ ເປັນໃຈກາງສຳລັບຄົນຕ່າງປະເທດ, ສຳລັບ ພາຍໃນ ແມ່ນຫ້ອງການກະຊວງໂຍທາທິການ ແລະ ຂົນສົ່ງ, ບໍລິສັດການ ບິນລາວ ເປັນໃຈກາງປະສານງານ, ສ່ວນຈຸດປະສານງານຢູ່ແຂວງ ແມ່ນ ຢູ່ ຫ້ອງວ່າການປົກຄອງແຂວງຈຳປາສັກ ແລະ ໂຮງແຮມຈຳປາສັກແກຣນ.
ໃນມື້ດຽວກັນນີ້, ທ່ານ ສົມສະໄໝ ວິຊຸນນະຣາດ ຮອງຜູ້ອຳນວຍການລັດວິສາຫະກິດການບິນລາວ ໄດ້ໃຫ້ການຢືນຢັນວ່າ: ປະຈຸບັນການເກັບກູ້ຊາກ ເຮືອບິນ ແລະ ຜູ້ເສຍຊີວິດ ແມ່ນມີຄວາມຫຍຸ້ງຍາກທີ່ສຸດ ເພາະຈຸດທີ່ເຮືອບິນລຳດັ່ງກ່າວຕົກແມ່ນຖືກແລວນ້ຳໄຫລແຮງ ຈຶ່ງບໍ່ສາມາດເກັບກູ້ເຮືອບິນ ຂຶ້ນມາໄດ້, ແຕ່ທາງໜ່ວຍງານກູ້ໄພ ໄດ້ໃຊ້ທຸກຄວາມສາມາດ ເພື່ອເກັບກູ້ຊາກເຮືອບິນ ແລະ ຜູ້ເສຍຊີວິດຢ່າງເຄັ່ງຮ້ອນ ໂດຍໃຊ້ກໍາລັງຈາກສູນກາງ, ປະເທດໃກ້ຄຽງ ແລະ ທ້ອງຖິ່ນ ເພື່ອເກັບກູ້ຊາກເຮືອບິນ ແລະ ຜູ້ໄດ້ຮັບເຄາະຮ້າຍ ເຊິ່ງຄາດວ່າເສຍຊີວິດໝົດທັງ 49 ຄົນ. ສຳລັບສາເຫດສຳຄັນ ຂອງການເກີດ ອຸປະຕິເຫດຍັງບໍ່ທັນສາມາດສະຫລຸບໄດ້ ເພາະສິ່ງທີ່ຈະຢັ້ງຢືນໄດ້ແມ່ນກ່ອງດຳ ແລະ ຍັງບໍ່ສາມາດເກັບກູ້ຂຶ້ນມາໄດ້ ໃນປະຈຸບັນທາງ ບໍລິສັດຜູ້ຜະລິດ ເຮືອບິນລຳດັ່ງກ່າວ ກໍໄດ້ສົ່ງໜ່ວຍງານວິຊາການມາສົມທົບໃນການຊອກຄົ້ນຢ່າງເລັ່ງດ່ວນ ເພາະຖ້າກາຍມື້ນີ້ແລ້ວຈະມີຄວາມຫຍຸ້ງ ຍາກທີ່ສຸດໃນການຊອກຄົ້ນຫາກ່ອງດຳ.
ສຳລັບ ຮູບພາບ ແລະ ຂໍ້ຄວາມຕ່າງໆ ທີ່ກຳລັງແຜ່ຫລາຍຢູ່ໃນສື່ອອນລາຍ ນັ້ນ, ທ່ານ ພົນປະສິດ ພິດສະໄໝ, ຫົວໜ້າສູນບໍລິຫານລັດດ້ວຍເອເລັກ ໂຕຣນິກ ກະຊວງໄປສະນີ ໂທລະຄົມ ແລະ ການສື່ສານ ໄດ້ຢືນຢັນວ່າ: ຮູບພາບ ແລະ ຂໍ້ຄວາມສ່ວນຫລາຍແມ່ນບໍ່ມີມູນຄວາມຈິງ, ດັ່ງນັ້ນ ຈຶ່ງຮຽກ ຮ້ອງໃຫ້ສັງຄົມ ຜູ້ບໍລິໂພກສື່ດັ່ງກ່າວຄວນພິຈາລະນາຢ່າງລະອຽດຕໍ່ກັບຂໍ້ມູນທີ່ເກີດຂຶ້ນ ເພື່ອເປັນການເຄົາລົບຕໍ່ກຽດສັກສີຂອງຜູ້ປະສົບໄພ/.
ທ່ານ ເພັດສາຄອນ ຫລວງອາໄພ ໄດ້ກ່າວວ່າ: ລັດຖະບານ ແຫ່ງ ສປປ.ລາວ ສະແດງຄວາມເສຍໃຈ ຕໍ່ເຫດການທີ່ເກີດຂຶ້ນ ຊຶ່ງຖືວ່າເປັນຄວາມສູນ ເສຍຊີວິດ ແລະ ຊັບສິນຄັ້ງຍິ່ງໃຫຍ່ ທີ່ບໍ່ເຄີຍມີມາກ່ອນ, ລັດຖະບານລາວຖືໂອກາດນີ້ ແບ່ງເບົາຄວາມທຸກໂສກ ນຳຄອບຄົວພີ່ນ້ອງຊາວຕ່າງປະເທດ ແລະ ພາຍໃນປະເທດ, ລັດຖະບານຈະພະຍາຍາມສຸດຄວາມສາມາດຂອງຕົນ ເພື່ອຊອກຄົ້ນ, ເກັບກູ້ຊາກສົບຂອງຜູ້ເສຍຊີວິດ ແລະ ທໍາບຸນກຸສົນຕາມປະເພນີ. ດັ່ງນັ້ນ ເພື່ອແກ້ໄຂອຸປະຕິເຫດດັ່ງກ່າວ ໃຫ້ດຳເນີນໄປຢ່າງວ່ອງໄວ ແລະ ທັນການ, ທ່ານນາຍົກລັດຖະມົນຕີ ໄດ້ຊີ້ນຳດັ່ງນີ້: ມອບໃຫ້ຄະນະປ້ອງກັນ ແລະ ຄວບຄຸມໄພພິບັດແຫ່ງຊາດ ແລະ ແຂວງຈຳປາສັກ ປະກອບເປັນຄະນະຊອກຄົ້ນ ແລະ ເກັບກູ້ຊາກສົບຂອງຜູ້ເຄາະຮ້າຍ ໂດຍ ແມ່ນລັດຖະມົນຕີ ວ່າການກະຊວງໂຍທາທິການ ແລະ ຂົນສົ່ງ ພ້ອມເຈົ້າແຂວງຈຳປາສັກ ເປັນຫົວໜ້າຄະນະ, ແຕ່ງຕັ້ງຄະນະຮັບຜິດຊອບງານຊາປານາກິດສົບ ຂອງຜູ້ເຄາະຮ້າຍ ຊຶ່ງຈະຈັດຂຶ້ນ ຢູ່ແຂວງຈຳປາສັກ, ພ້ອມກັນນັ້ນໃຫ້ມີພິທີໄວ້ອາໄລ 1 ນາທີ ທົ່ວປະເທດພ້ອມກັນ. ສຳລັບການພົວພັນ, ແກ້ໄຂບັນຫາ ນະໂຍບາຍຕ່າງໆກັບອົງການຈັດຕັ້ງ ແລະ ຄອບຄົວພີ່ນ້ອງຂອງຜູ້ເສຍຊີວິດ ໃຫ້ດຳເນີນການຕາມລະບຽບການ, ກົດໝາຍຂອງລາວ, ກະຕິກາສາກົນ ແລະ ສັນຍາປະກັນໄພ ຂອງບໍລິສັດການບິນລາວ ໂດຍມອບໃຫ້ກະຊວງການຕ່າງປະເທດ ເປັນໃຈກາງສຳລັບຄົນຕ່າງປະເທດ, ສຳລັບ ພາຍໃນ ແມ່ນຫ້ອງການກະຊວງໂຍທາທິການ ແລະ ຂົນສົ່ງ, ບໍລິສັດການ ບິນລາວ ເປັນໃຈກາງປະສານງານ, ສ່ວນຈຸດປະສານງານຢູ່ແຂວງ ແມ່ນ ຢູ່ ຫ້ອງວ່າການປົກຄອງແຂວງຈຳປາສັກ ແລະ ໂຮງແຮມຈຳປາສັກແກຣນ.
ໃນມື້ດຽວກັນນີ້, ທ່ານ ສົມສະໄໝ ວິຊຸນນະຣາດ ຮອງຜູ້ອຳນວຍການລັດວິສາຫະກິດການບິນລາວ ໄດ້ໃຫ້ການຢືນຢັນວ່າ: ປະຈຸບັນການເກັບກູ້ຊາກ ເຮືອບິນ ແລະ ຜູ້ເສຍຊີວິດ ແມ່ນມີຄວາມຫຍຸ້ງຍາກທີ່ສຸດ ເພາະຈຸດທີ່ເຮືອບິນລຳດັ່ງກ່າວຕົກແມ່ນຖືກແລວນ້ຳໄຫລແຮງ ຈຶ່ງບໍ່ສາມາດເກັບກູ້ເຮືອບິນ ຂຶ້ນມາໄດ້, ແຕ່ທາງໜ່ວຍງານກູ້ໄພ ໄດ້ໃຊ້ທຸກຄວາມສາມາດ ເພື່ອເກັບກູ້ຊາກເຮືອບິນ ແລະ ຜູ້ເສຍຊີວິດຢ່າງເຄັ່ງຮ້ອນ ໂດຍໃຊ້ກໍາລັງຈາກສູນກາງ, ປະເທດໃກ້ຄຽງ ແລະ ທ້ອງຖິ່ນ ເພື່ອເກັບກູ້ຊາກເຮືອບິນ ແລະ ຜູ້ໄດ້ຮັບເຄາະຮ້າຍ ເຊິ່ງຄາດວ່າເສຍຊີວິດໝົດທັງ 49 ຄົນ. ສຳລັບສາເຫດສຳຄັນ ຂອງການເກີດ ອຸປະຕິເຫດຍັງບໍ່ທັນສາມາດສະຫລຸບໄດ້ ເພາະສິ່ງທີ່ຈະຢັ້ງຢືນໄດ້ແມ່ນກ່ອງດຳ ແລະ ຍັງບໍ່ສາມາດເກັບກູ້ຂຶ້ນມາໄດ້ ໃນປະຈຸບັນທາງ ບໍລິສັດຜູ້ຜະລິດ ເຮືອບິນລຳດັ່ງກ່າວ ກໍໄດ້ສົ່ງໜ່ວຍງານວິຊາການມາສົມທົບໃນການຊອກຄົ້ນຢ່າງເລັ່ງດ່ວນ ເພາະຖ້າກາຍມື້ນີ້ແລ້ວຈະມີຄວາມຫຍຸ້ງ ຍາກທີ່ສຸດໃນການຊອກຄົ້ນຫາກ່ອງດຳ.
ສຳລັບ ຮູບພາບ ແລະ ຂໍ້ຄວາມຕ່າງໆ ທີ່ກຳລັງແຜ່ຫລາຍຢູ່ໃນສື່ອອນລາຍ ນັ້ນ, ທ່ານ ພົນປະສິດ ພິດສະໄໝ, ຫົວໜ້າສູນບໍລິຫານລັດດ້ວຍເອເລັກ ໂຕຣນິກ ກະຊວງໄປສະນີ ໂທລະຄົມ ແລະ ການສື່ສານ ໄດ້ຢືນຢັນວ່າ: ຮູບພາບ ແລະ ຂໍ້ຄວາມສ່ວນຫລາຍແມ່ນບໍ່ມີມູນຄວາມຈິງ, ດັ່ງນັ້ນ ຈຶ່ງຮຽກ ຮ້ອງໃຫ້ສັງຄົມ ຜູ້ບໍລິໂພກສື່ດັ່ງກ່າວຄວນພິຈາລະນາຢ່າງລະອຽດຕໍ່ກັບຂໍ້ມູນທີ່ເກີດຂຶ້ນ ເພື່ອເປັນການເຄົາລົບຕໍ່ກຽດສັກສີຂອງຜູ້ປະສົບໄພ/.
