ນາຍົກລັດຖະມົນຕີຣັດເຊຍຈະເດີນທາງມາຢ້ຽມຢາມຈີນ ຈະເອົາໃຈໃສ່ການຮ່ວມມືດ້ານເສດຖະກິດການຄ້າແລະການລົງທຶນ
(GMT+08:00) 2013-10-21 14:17:57 cri
ຕາມຂ່າວCRI: ໂດຍຕອບສະໜອງຕາມຄຳເຊີນຂອງທ່ານຫຼີເຄີ້ສຽງ, ນາຍົກລັດຖະມົນຕີຈີນ, ທ່ານ ດີມີຕຼີ ເມັດເວເດັຟ, ນາຍົກລັດຖະມົນຕີຣັດເຊຍຈະເດີນທາງມາຢ້ຽມຢາມຈີນແຕ່ວັນທີ22ຫາວັນທີ23ຕຸລານີ້, ແລະຈະເຂົ້າຮ່ວມການພົບປະຕາມເວລາກຳນົດລະຫວ່າງນາຍົກລັດຖະມົນຕີຈີນແລະຣັດເຊຍຄັ້ງທີ18.
ກົມການຂ່າວລັດຖະບານຣັດເຊຍເປີດເຜີຍວ່າ, ຫົວຂໍ້ປຶກສາຫາລືຕົ້ນຕໍຂອງການພົບປະລະຫວ່າງນາຍົກລັດຖະມົນຕີຈີນແລະຣັດເຊຍໃນຄັ້ງນີ້ແມ່ນການພັດທະນາດ້ານເສດຖະກິດການຄ້າແລະການປະສານງານດ້ານການລົງທຶນລະຫວ່າງສອງຝ່າຍຕື່ມອີກ, ຊຸກຍູ້ການຮ່ວມມືດ້ານອຸດສາຫະກຳແລະຂະແໜງການຜະລິດລະຫວ່າງສອງປະເທດ, ແລະຈັດຕັ້ງປະຕິບັດໂຄງການຮ່ວມມືດ້ານພະລັງງານລະຫວ່າງສອງປະເທດຕື່ມອີກ. ນອກນີ້, ສອງຝ່າຍຍັງຈະສະຫຼຸບວຽກງານຂອງປີທ່ອງທ່ຽວຣັດເຊຍ-ຈີນສຳລັບປີ2012ແລະປີ2013, ປຶກສາຫາລືວຽກງານກະກຽມຂອງປີຊາວໜຸ່ມເຍົາວະຊົນລະຫວ່າງຣັດເຊຍ-ຈີນສຳລັບປີ2014ແລະປີ2015. ຫຼັງຈາກການເຈລະຈາລະຫວ່າງຫົວໜ້າລັດຖະບານຣັດເຊຍ-ຈີນສຳເລັດລົງຍັງມີແຜນການລົງນາມໃນເອກະສານຕ່າງໆລະຫວ່າງພາກສ່ວນແລະບໍ່ລິສັດສອງຝ່າຍ, ເພື່ອຊຸກຍູ້ການຮ່ວມມືຕົວຈິງໃນທຸກຂົງເຂດລະຫວ່າງຣັດເຊຍກັບຈີນຕື່ມອີກ. ນອກຈາກການເຈລະຈາກັບທ່ານຫຼີເຄີ້ສຽງ, ນາຍົກລັດຖະມົນຕີຈີນແລ້ວ, ຜູ້ນຳຈີນຄົນອື່ນໆຍັງຈະພົບປະເຈລະຈາກັບທ່ານດີມີຕຼີ ເມັດເວເດັຟຕື່ມອີກ.
"ເວັບໄຊຂ່າວສານສະຫະພັນ"ຂອງຣັດເຊຍນຳເອົາທັດສະນະຂອງຜູ້ຊ່ຽວຊານມາລາຍງານວ່າ, ໃນຂະບວນການຮູບແບບການພັດທະນາເສດຖະກິດຂອງຣັດເຊຍ, ການລົງທຶນຈາກຈີນມີຄວາມສຳຄັນຫຼາຍ, ສ່ວນຈີນກໍ່ມີຄວາມຕ້ອງການຢ່າງຫຼວງຫຼາຍຕໍ່ເຕັກໂນໂລຊີທີ່ກ້າວໜ້າແລະພະລັງງານຂອງຣັດເຊຍ, ຍ້ອນການຮ່ວມມືລະຫວ່າງຣັດເຊຍກັບຈີນມີລັກສະນະການຊ່ອຍຊູຍູ້ໜູນຊຶ່ງກັນແລະກັນໃນໄລຍະຍາວ, ຖ້າວ່າສາມາດຮັກສາການຮ່ວມມືຄືແນວນີ້ຕໍ່ໄປ, ສອງຝ່າຍກໍຈະໄດ້ຮັບຜົນປະໂຫຍດຮ່ວມກັນ.
ກົມການຂ່າວລັດຖະບານຣັດເຊຍເປີດເຜີຍວ່າ, ຫົວຂໍ້ປຶກສາຫາລືຕົ້ນຕໍຂອງການພົບປະລະຫວ່າງນາຍົກລັດຖະມົນຕີຈີນແລະຣັດເຊຍໃນຄັ້ງນີ້ແມ່ນການພັດທະນາດ້ານເສດຖະກິດການຄ້າແລະການປະສານງານດ້ານການລົງທຶນລະຫວ່າງສອງຝ່າຍຕື່ມອີກ, ຊຸກຍູ້ການຮ່ວມມືດ້ານອຸດສາຫະກຳແລະຂະແໜງການຜະລິດລະຫວ່າງສອງປະເທດ, ແລະຈັດຕັ້ງປະຕິບັດໂຄງການຮ່ວມມືດ້ານພະລັງງານລະຫວ່າງສອງປະເທດຕື່ມອີກ. ນອກນີ້, ສອງຝ່າຍຍັງຈະສະຫຼຸບວຽກງານຂອງປີທ່ອງທ່ຽວຣັດເຊຍ-ຈີນສຳລັບປີ2012ແລະປີ2013, ປຶກສາຫາລືວຽກງານກະກຽມຂອງປີຊາວໜຸ່ມເຍົາວະຊົນລະຫວ່າງຣັດເຊຍ-ຈີນສຳລັບປີ2014ແລະປີ2015. ຫຼັງຈາກການເຈລະຈາລະຫວ່າງຫົວໜ້າລັດຖະບານຣັດເຊຍ-ຈີນສຳເລັດລົງຍັງມີແຜນການລົງນາມໃນເອກະສານຕ່າງໆລະຫວ່າງພາກສ່ວນແລະບໍ່ລິສັດສອງຝ່າຍ, ເພື່ອຊຸກຍູ້ການຮ່ວມມືຕົວຈິງໃນທຸກຂົງເຂດລະຫວ່າງຣັດເຊຍກັບຈີນຕື່ມອີກ. ນອກຈາກການເຈລະຈາກັບທ່ານຫຼີເຄີ້ສຽງ, ນາຍົກລັດຖະມົນຕີຈີນແລ້ວ, ຜູ້ນຳຈີນຄົນອື່ນໆຍັງຈະພົບປະເຈລະຈາກັບທ່ານດີມີຕຼີ ເມັດເວເດັຟຕື່ມອີກ.
"ເວັບໄຊຂ່າວສານສະຫະພັນ"ຂອງຣັດເຊຍນຳເອົາທັດສະນະຂອງຜູ້ຊ່ຽວຊານມາລາຍງານວ່າ, ໃນຂະບວນການຮູບແບບການພັດທະນາເສດຖະກິດຂອງຣັດເຊຍ, ການລົງທຶນຈາກຈີນມີຄວາມສຳຄັນຫຼາຍ, ສ່ວນຈີນກໍ່ມີຄວາມຕ້ອງການຢ່າງຫຼວງຫຼາຍຕໍ່ເຕັກໂນໂລຊີທີ່ກ້າວໜ້າແລະພະລັງງານຂອງຣັດເຊຍ, ຍ້ອນການຮ່ວມມືລະຫວ່າງຣັດເຊຍກັບຈີນມີລັກສະນະການຊ່ອຍຊູຍູ້ໜູນຊຶ່ງກັນແລະກັນໃນໄລຍະຍາວ, ຖ້າວ່າສາມາດຮັກສາການຮ່ວມມືຄືແນວນີ້ຕໍ່ໄປ, ສອງຝ່າຍກໍຈະໄດ້ຮັບຜົນປະໂຫຍດຮ່ວມກັນ.
