ລັດຖະມົນຕີການຕ່າງປະເທດຈີນກ່າວວ່າ ຈະເລັ່ງລັດຊຸກຍູ້ການສ້າງແລວເສດຖະກິດຈີນ, ບັງກະລາເດັດ, ອິນເດຍແລະມຽນມາ
ວັນທີ 20 ຕຸລານີ້, ທ່ານຫວາງຢີ້, ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານນາງດີພູ ໂມນີ, ລັດຖະມົນຕີວ່າການກະຊວງການຕ່າງປະເທດບັງກະລາເດັດທີ່ມາຢ້ຽມຢາມຈີນຢ່າງເປັນທາງການ.
ທ່ານຫວາງຢີ້ກ່າວວ່າ, ຈີນຍິນດີຮັກສາການແລກປ່ຽນການຢ້ຽມຢາມເຊິ່ງກັນແລະກັນໃນລະດັບສູງກັບບັງກະລາເດັດ, ລົງເລິກການຮ່ວມມືທີ່ຕິດແທດກັບຕົວຈິງ, ເລັ່ງລັດຊຸກຍູ້ການສ້າງແລວເສດຖະກິດຈີນ, ບັງກະລາເດັດ, ອິນເດຍແລະມຽນມາແລະການຮ່ວມມືໃນໂຄງການໃຫຍ່, ເພີ່ມທະວີການແລກປ່ຽນດ້ານວັດທະນະທໍາ-ສັງຄົມ ແລະການປະສານງານໃນບັນຫາພາກພື້ນກໍຄືສາກົນ, ຊຸກຍູ້ການພົວພັນລະຫວ່າງສອງປະເທດໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ທ່ານນາງໂມນີໄດ້ສະແດງຄວາມຊົມເຊີຍຕໍ່ລັດຖະບານຈີນຊຸດໃໝ່ທີ່ໄດ້ທໍາຄວາມພະຍາຍາມໃນການຊຸກຍູ້ການພົວພັນລະຫວ່າງສອງປະເທດ ແລະຍິນດີເຂົ້າຮ່ວມການ ສ້າງແລວເສດຖະກິດບັງກະລາເດັດ, ຈີນ, ອິນເດຍແລະມຽນມາ. ຝ່າຍບັງກະລາເດັດຍິນດີຮ່ວມກັບຝ່າຍຈີນ, ທໍາຄວາມພະຍາຍາມເພື່ອລົງເລິກແລະຍົກລະດັບການພົວພັນສອງຝ່າຍ ແລະສ້າງຄວາມຈະເລີນໃໝ່ລະຫວ່າງບັງກະລາເດັດກັບຈີນ.
