ລັດຖະມົນຕີການເງິນອາເມລິກາກ່າວວ່າ ເສດຖະກິດອາເມລິກາມີຄວາມສາມາດຟື້ນຕົວຈາກຜົນກະທົບຂອງສະພາບແຂງກະດ້າງດ້ານການເງິນ
ວັນທີ 20 ຕຸລານີ້, ທ່ານຈາຄົບ ລູ, ລັດຖະມົນຕີວ່າການກະຊວງການເງິນອາເມລິກາກ່າວວ່າ, ໃນຫລາຍອາທິດທີ່ຜ່ານມາ, ສະພາບແຂງກະດ້າງດ້ານການເງິນໄດ້ເຮັດໃຫ້ມີການເສຍຫາຍດ້ານເສດຖະກິດ, ແຕ່ວ່າເສດຖະກິດອາເມລິກາມີຄວາມຄ່ອງຕົວທີ່ພຽງພໍໃນການຟື້ນຕົວຈາກສະພາບນີ້.
ທ່ານລູ ກ່າວວ່າ, ຄວາມປັ່ນປ່ວນໃນຫລາຍອາທິດທີ່ຜ່ານມາສ່ວນຫລາຍແມ່ນວິກິດການດ້ານການເມືອງ, ຫາກບໍ່ແມ່ນວິກິດການດ້ານເສດຖະກິດ. ສະພາບແຂງກະດ້າງດ້ານການເງິນໄດ້ມີຜົນກະທົບຕໍ່ເສດຖະກິດ, ແຕ່ທ່ານເຊື່ອວ່າເສດຖະກິດອາເມລິກາມີຄວາມຄ່ອງຕົວທີ່ພຽງພໍໃນການຟື້ນຕົວຈາກສະພາບນີ້. ສະພາບແຂງກະດ້າງດ້ານການເງິນທີ່ພາໃຫ້ມີຄວາມສ່ຽງໄພໃນການລະເມີດສັນຍາດ້ານໜີ້ສິນໄດ້ເຮັດໃຫ້ອັດຕາດອກເບ້ຍໜີ້ສິນໄລຍະສັ້ນຂອງລັດຂອງອາເມລິກາສູງຂຶ້ນ ແລະຍັງໄດ້ເຮັດໃຫ້ອົງການທີ່ບໍ່ສໍາຄັນຂອງລັດຖະບານໄດ້ຮັບຄວາມເສຍຫາຍໃນການເຄື່ອນໄຫວດ້ານເສດຖະກິດ, ຄົນທົ່ວໄປຈະເອົາໃຈໃສ່ສະຖິຕິດ້ານເສດຖະກິດໃນອະນາຄົດ.
ທ່ານລູຍັງໄດ້ກ່າວຕື່ມວ່າ, ເນື້ອໃນຈໍານວນໜຶ່ງຂອງກົນໄກຫລຸດຜ່ອນເງິນຂາດດຸນແບບອັດຕະໂນມັດທີ່ປະຕິບັດນັບແຕ່ເດືອນມີນາປີນີ້ເປັນຕົ້ນມາຄວນປ່ຽນແທນໂດຍມາດຕະການການປະຕິຮູບດ້ານພາສີແລະໂຄງການສະຫວັດດີການທີ່ເໝາະສົມແລະສະໝໍ່າສະເໝີກວ່າເກົ່າ ເພື່ອຫລຸດຜ່ອນບົດບາດການຍັບຍັ້ງຂອງລັດຖະບານທີ່ປັບຫລຸດລາຍຈ່າຍດ້ານເສດຖະກິດ.
