ຊີວະພາບທົ່ງຫຍ້າຂອງຈີນໄດ້ຮັບການປັບປຸງເທື່ອລະກ້າວ ການໃຊ້ງົບປະມານເລີ່ມໄດ້ຮັບໝາກຜົນ
ຄວາມພະຍາຍາມຂອງຈີນໃນການຄຸ້ມຄອງຊີວະພາບຂອງທົ່ງຫຍ້າເລີ່ມໄດ້ຮັບໝາກຜົນ. ຈີນມີ ທົ່ງຫຍ້າທໍາມະຊາດປະເພດຕ່າງໆປະມານ 4 ຮ້ອຍລ້ານເຮັກຕາ ເຊິ່ງກວມເອົາປະມານ 40% ຂອງເນື້ອທີ່ດິນແດນເທິງບົກ. ແຕ່ເນື່ອງຈາກວ່າມີປາກົດການລ້ຽງສັດຕາມທົ່ງຫຍ້າຫລາຍເກີນໄປ, ການນໍາໃຊ້ທົ່ງຫຍ້າເກີນໄປຢ່າງບໍ່ຢຸດຢັ້ງ ແລະງົບປະມານບໍ່ພຽງພໍ, ຊີວະພາບທົ່ງຫຍ້າຂອງຈີນໄດ້ຖືກທໍາລາຍຢ່າງຮ້າຍແຮງ. ແຕ່ປີ 2011 ຫາປີ 2013, ການເງິນສູນກາງຈີນໄດ້ໃຊ້ງົບປະມານຈໍານວນ 45 ຕື້ຢວນໃນການສົ່ງເສີມການອະນຸຮັກຊີວະພາບຂອງທົ່ງຫຍ້າ ແລະເຮັດໃຫ້ຊີວະພາບທົ່ງຫຍ້າຂອງຈີນໄດ້ຮັບການປັບປຸງໃຫ້ດີຂຶ້ນເທື່ອລະກ້າວ.
ສະຖິຕິຂອງກະຊວງການເງິນຈີນສະແດງໃຫ້ເຫັນວ່າ, ໃນປີ 2012, ອັດຕາພືດປົກຫຸ້ມສັງລວມຂອງທົ່ງຫຍ້າຂອງຈີນແມ່ນປະມານ 54% ຖ້າທຽບກັບປີກາຍນີ້ໄດ້ເພີ່ມຂຶ້ນ 3%, ປະລິມານການຜະລິດຫຍ້າສົດແມ່ນປະມານ 1 ຕື້ໂຕນ, ເປັນປີທີ່ຜະລິດຫຍ້າຫລາຍທີ່ສຸດໃນສິບປີມານີ້.
