ນາຍົກລັດຖະມົນຕີຫວຽດນາມກ່າວວ່າການເຕີບໂຕດ້ານເສດຖະກິດໃນປີ2013ຈະຕ່ຳກວ່າເປົ້າໝາຍທີ່ວາງໄວ້
ຕາມຂ່າວCRI: ວັນທີ21ຕຸລານີ້, ທ່ານຫງວຽນເຕິນຢຸງ, ນາຍົກລັດຖະມົນຕີຫວຽດນາມກ່າວວ່າ, ໃນປີ2013ເສດຖະກິດຂອງຫວຽດນາມໄດ້ຮັບການຟື້ນຕົວຂຶ້ນ, ໃນ15ເປົ້າໝາຍຂອງການພັດທະນາສັງຄົມມີ11ເປົ້າໝາຍໃກ້ຈະສຳເລັດລົງ, ແຕ່ວ່າຍັງມີ4ໂຄງການໄດ້ບັນລຸຕ່ຳກວ່າເປົ້າໝາຍທີ່ວາງໄວ້, ລວມທັງອັດຕາເພີ່ມຂຶ້ນຂອງລວມຍອດຜະລິດຕະພັນພາຍໃນຫຼືGDP.
ໃນມື້ດຽວກັນ, ໃນກອງປະຊຸມຄັ້ງທີ6ຂອງສະພາແຫ່ງຊາດຊຸດທີ13ຂອງຫວຽດນາມ, ທ່ານຫງວຽນເຕິນຢຸງໄດ້ລາຍງານວຽກງານລັດຖະບານກ່ຽວກັບສະພາບການພັດທະນາດ້ານເສດຖະກິດສັງຄົມໃນປີ2013ຂອງລັດຖະບານ, ສະພາບການປະຕິບັດແຜນການໃນ3ປີທຳອິດຂອງແຜນການພັດທະນາເສດຖະກິດສັງຄົມ5ປີແຫ່ງລັດ（2011-2015）ແລະໜ້າທີ່ວຽກງານແຕ່ປີ2014ຫາປີ2015.
ທ່ານຫງວຽນເຕິນຢຸງຍັງໄດ້ສະເໜີເປົ້າໝາຍຕົ້ນຕໍດ້ານການພັດທະນາເສດຖະກິດສັງຄົມປີ2014, ກໍຄື: GDPເພີ່ມຂຶ້ນ5,8%, ລາຄາສິນຄ້າເພີ່ມຂຶ້ນ7%, ຂາອອກເພີ່ມຂຶ້ນ10%, ອັດຕາກວມGDPຂອງການລົງທຶນດ້ານການພັດທະນາສັງຄົມແມ່ນ30%, ອັດຕາກວມGDPຂອງຂຸມການເງິນແມ່ນ5，3%, ສ້າງໂອກາດການປະກອບອາຊີບ1ລ້ານ6ແສນໜ້າວຽກແລະອື່ນໆ.
