ລັດຖະບານຈີນເຜີຍແຜ່ປື້ມປົກຂາວວ່າດ້ວຍ"ການພັດທະນາແລະຄວາມຄືບໜ້າຂອງເຂດຕິເບດ"
ຕາມຂ່າວສານຊີນຮວາ: ຫ້ອງການຖະແຫຼງຂ່າວຂອງລັດຖະບານຈີນໄດ້ເຜີຍແຜ່ປື້ມປົກຂາວວ່າດ້ວຍ"ການພັດທະນາແລະຄວາມກ້າວໜ້າຂອງເຂດຕິເບດ"ໃນວັນທີ 22 ຕຸລານີ້ ໂດຍໄດ້ແນະນຳໃຫ້ຮູ້ຂະບວນການພັດທະນາແລະກ້າວໜ້າແລະຜົນສຳເລັດທີ່ຈະເລີນຮຸ່ງເຮືອງທີ່ໄດ້ຮັບຂອງເຂດຕິເບດ ໃນໄລຍະ60 ກວ່າປີຜ່ານມາ.
ປື້ມປົກຂາວຂຽນວ່າ, ເຂດຕິເບດແມ່ນພາກສ່ວນໜຶ່ງຂອງຈີນຕັ້ງແຕ່ບູຮານນະການ. ລວມທັງໝົດແລ້ວປື້ມປົກຂາວມີປະມານ 2 ໝື່ນຕົວໜັງສືຈີນ, ໄດ້ແນະນຳໃຫ້ຮູ້ສະພາບຄວາມຄືບໜ້າດ້ານການພັດທະນາເຂດຕິເບດດ້ວຍຕົວເລກຂໍ້ມູນແລະເລື່ອງຈິງຢ່າງຫຼວງຫຼາຍລວມມີ 6 ດ້ານ. ປື້ມປົກຂາວຊີ້ອອກວ່າ, ເລື່ອງຈິງວ່າດ້ວຍຄວາມຄືບໜ້າດ້ານການພັດທະນາຂອງເຂດຕິເບດໃນ 60 ກວ່າປີຜ່ານມາໄດ້ຢັ້ງຢືນວ່າ, ປະຊາຊົນຕິເບດກໍຄືກັນກັບປະຊາຊົນໂລກ, ມີສິດຊົມໃຊ້ຜົນສຳເລັດດ້ານການພັດທະນາສິວິໄລທີ່ທັນສະໄໝ, ມິສິດຍົກສູງຄຸນນະພາບດ້ານຊີວິດການເປັນຢູ່ຂອງຕົນ, ມີສິດເລືອກວິທີດຳລົງຊີວິດຂອງຕົນ. ການພັດທະນາແລະຄວາມຄືບໜ້າຂອງເຂດຕິເບດ ແມ່ນສອດຄ່ອງກັບກົດເກນການພັດທະນາທາງສັງຄົມຂອງມວນມະນຸດ, ສອດຄ່ອງກັບຄວາມໝຸ່ງມາດປາຖະໜາຮ່ວມຂອງປະຊາຊົນບັນດາເຜົ່າຂອງເຂດຕິເບດ, ແມ່ນຜົນທີ່ຕ້ອງເປັນໄປໃນການພັດທະນາແລະຄວາມຄືບໜ້າຂອງຈີນຢ່າງຮອບດ້ານ.
