ນາຍົກລັດຖະມົນຕີລັດເຊຍເດີນທາງມາເຖິງນະຄອນຫລວງປັກກິ່ງຂອງຈີນ
ໂດຍຕອບສະໜອງຕາມຄໍາເຊີນຂອງທ່ານຫລີເຄີ້ສຽງ, ນາຍົກລັດຖະມົນຕີຈີນ, ຕອນເຊົ້າວັນທີ 22 ຕຸລານີ້, ທ່ານດີມີຕຼີ ເມດເວເດຟ, ນາຍົກລັດຖະມົນຕີສະຫະພັນລັດເຊຍໄດ້ເດີນທາງ ມາເຖິງນະຄອນຫລວງປັກກິ່ງຂອງຈີນ ແລະເລີ່ມຢ້ຽມຢາມຈີນຢ່າງເປັນທາງການເປັນເວລາ 2 ມື້.
ໃນໄລຍະຢ້ຽມຢາມຈີນ, ທ່ານເມດເວເດຟ ຈະເຂົ້າຢ້ຽມຄໍານັບທ່ານສີຈິ້ນຜິງ, ປະທານປະເທດຈີນ, ຈັດການພົບປະລະຫວ່າງນາຍົກລັດຖະມົນຕີຈີນ-ລັດເຊຍຢ່າງເປັນປະຈໍາຄັ້ງທີ 18 ກັບທ່ານຫລີເຄີ້ສຽງ, ນາຍົກລັດຖະມົນຕີຈີນ ແລະຍັງຈະພົບປະກັບທ່ານຈ່າງເຕີຈ່ຽງ, ປະທານຄະນະປະຈໍາສະພາຜູ້ແທນປະຊາຊົນທົ່ວປະເທດຈີນ.
ພາຍຫລັງການພົບປະສອງຝ່າຍລະຫວ່າງນາຍົກລັດຖະມົນຕີສອງປະເທດສິ້ນສຸດລົງແລ້ວ, ທ່ານເມດເວເດຟຈະໄປສໍານັກຂ່າວສານຊິນຮວາ ເພື່ອແລກປ່ຽນຄໍາຄິດຄໍາເຫັນກັບປະຊາຊົນຈີນ ແລະຕອບຄໍາຖາມຂອງປະຊາຊົນຈີນ ໂດຍຜ່ານເວັບໄຊຊິນຮວາ.
ນອກຈາກຢ້ຽມຢາມນະຄອນຫລວງປັກກິ່ງແລ້ວ, ທ່ານເມດເວເດຟຍັງຈະເດີນທາງໄປຢ້ຽມຢາມແຂວງອ່ານຮຸ່ຍຂອງຈີນ.
