ສະມາຄົມການຄ້າຈີນຢູ່ລາວໄວ້ອາໄລຕໍ່ຮອງປະທານສະມາຄົມທີ່ປະສົບເຄາະຮ້າຍໃນອຸບັດຕິເຫດຍົນຕົກ
(GMT+08:00) 2013-10-23 14:55:13 cri
ຕາມຂ່າວCRI: ຕອນບ່າຍວັນທີ22ຕຸລານີ້, ສະມາຄົມການຄ້າຈີນຢູ່ລາວໄດ້ຈັດພິທີໄດ້ອາໄສຢູ່ຫໍສະມາຄົມຈີນມູນນິທິວຽງຈັນທີ່ນະຄອນຫຼວງວຽງຈັນຂອງລາວ, ເພື່ອໄວ້ອາໄລຕໍ່ທ່ານກ່ານຢຸຍ, ຮອງປະທານສະມາຄົມ, ຄົນຢູນນານຈີນທີ່ໄດ້ປະສົບເຄາະຮ້າຍໃນອຸບັດຕິເຫດຍົນຕົກຢູ່ລາວ. ພະນັກງານສະຖານທູດຈີນປະຈຳລາວ, ເຈົ້າໜ້າທີ່ຂັ້ນສູງຂອງສະມາຄົມການຄ້າຈີນຢູ່ລາວ, ຜູ້ຕາງໜ້າສະມາຄົນຊາວຈີນນະຄອນຫຼວງວຽງຈັນພ້ອມດ້ວຍພິ່ນ້ອງແລະເພື່ອນມິດຂອງທ່ານກ່ານຢຸຍແລະອື່ນໆຫຼາຍຮ້ອຍຄົນເຂົ້າຮ່ວມ.
ຕອນບ່າຍວັນທີ16ຕຸລານີ້, ຍົນໂດຍສານລຳໜຶ່ງທີ່ອອກເດີນທາງຈາກນະຄອນຫຼວງວຽງຈັນມຸ່ງໜ້າໄປເມືອງປາກເຊທາງພາກໃຕ້ຂອງລາວໄດ້ເກີດອຸບັດຕິເຫດໃນເວລາໃກ້ຈະເດີນທາງເຖິງສະໜາມບິນປາກເຊ, ແລະຕົກລົງໃນແມ່ນ້ຳຂອງ. ຜູ້ໂດຍສານໃນຍົນ44ຄົນແລະຈຸບິນ5ຄົນໄດ້ເສຍຊີວິດທັງໝົດ, ເຊິ່ງລວມທັງຜູ້ໂດຍສານສັນຊາດຈີນ2ຄົນ.
