ທ່ານສີຈິ້ນຜິງຕ້ອນຮັບການເຂົ້າຢ້ຽມຂໍ່ານັບຂອງນາຍົກລັດຖະມົນຕີລັດເຊຍໂດຍກ່າວເນັ້ນວ່າຈີນກັບລັດເຊຍຕ້ອງບັນລຸການພັດທະນາແລະຄວາມຈະເລີນຮ່ວມກັນ
ວັນທີ 22 ຕຸລານີ້, ທ່ານສີຈິ້ນຜິງ, ປະທານປະເທດຈີນໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານດີມິຕຼີ ເມດເວເດຟ, ນາຍົກລັດຖະມົນຕີ ລັດເຊຍຢູ່ນະຄອນຫລວງປັກກິ່ງ.ທ່ານສີຈິ້ນຜິງໄດ້ຍ້ອງຍໍຊົມເຊີຍວ່າ ຈີນກັບລັດເຊຍເປັນບ້ານໃກ້ເຮືອນຄຽງທີ່ດີແລະຄູ່ຮ່ວມມືຍຸດທະສາດທີ່ແທ້ຈິງ ແລະກ່າວເນັ້ນວ່າສອງຝ່າຍຕ້ອງເພີ່ມທະວີການປະສານງານຍຸດທະສາດຮອບດ້ານ ເພື່ອບັນລຸການພັດທະນາແລະຄວາມຈະເລີນຮ່ວມກັນ.
ສ່ວນທ່ານເມດເວເດຟ ກ່າວວ່າ, ຝ່າຍລັດເຊຍຍິນດີຕັ້ງໜ້າຊຸກຍູ້ການແລກປ່ຽນແລະການຮ່ວມມືກັບຝ່າຍຈີນໃນຂົງເຂດຕ່າງໆຢ່າງໃກ້ຊິດແລະຕົວຈິງ ເຊັ່ນ:ເສດຖະກິດການຄ້າ, ເຕັກນິກວິທະຍາສາດ, ພະລັງງານ ແລະອື່ນໆ, ເພີ່ມທະວີການແລກປ່ຽນແລະການຮ່ວມມືທາງຍຸດທະສາດໃນວຽກງານພາກພື້ນກໍຄືສາກົນ ແລະໃນຂອບກົນໄກປະສານງານຫລາຍຝ່າຍ, ຊຸກຍູ້ໃຫ້ການພົວພັນສອງປະເທດກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
