ນາຍົກຈີນເຂົ້າຮ່ວມພິທີໄຂກອງປະຊຸມຄັ້ງທີ 21 ຂອງອົງການກວດກາບັນຊີໂລກ ແລະກ່າວປາຖະກະຖາ
ຕອນເຊົ້າວັນທີ 22 ຕຸລານີ້, ທ່ານຫລີເຄີ້ສຽງ, ນາຍົກລັດຖະມົນຕີຈີນໄດ້ເຂົ້າຮ່ວມພິທີໄຂກອງປະຊຸມຄັ້ງທີ 21 ຂອງອົງການກວດກາບັນຊີໂລກທີ່ຫໍສະພາປະຊາຊົນຂອງຈີນແລະໄດ້ກ່າວປາຖະກະຖາໃນພິທີດັ່ງກ່າວ.
ທ່ານຫລີເຄີ້ສຽງກ່າວວ່າ, ໃນຫລາຍເດືອນຕົ້ນປີນີ້, ຄວາມກົດດັນທີ່ເສດຖະກິດຈີນຫລຸດຕໍ່າລົງນັບມື້ນັບເພີ່ມຂຶ້ນ, ການເງິນສູນກາງມີຄວາມຫຍຸ້ງຍາກໃນການເພີ່ມລາຍໄດ້. ໃນສະພາບດັ່ງກ່າວ, ລັດຖະບານຈີນໄດ້ປະດິດສ້າງວິທີໃໝ່ໃນການດັດສົມຄວບຄຸມມະຫາພາກ, ຮັກສາຄວາມໝັ້ນຄົງ, ກ້າວເດີນຢ່າງໝັ້ນທ່ຽງ, ຍຶດໝັ້ນຈໍາກັດຂຸມການເງິນ ແລະອື່ນໆ. ມາດຕະການເຫລົ່ານີ້ໄດ້ຮັບຜົນຢ່າງຈະແຈ້ງ, ປັດຈຸບັນນີ້ເສດຖະກິດຈີນມີທ່າອ່ຽງທີ່ດີໃນສະພາບທີ່ໝັ້ນທ່ຽງ, ການຄາດຄະເນຂອງຕະຫລາດໄດ້ເພີ່ມຂຶ້ນຢ່າງໝັ້ນທ່ຽງ.
ທ່ານຫລີເຄີ້ສຽງຊີ້ອອກວ່າ, ອົງການກວດກາບັນຊີໄດ້ເພີ່ມທະວີການກວດກາບັນຊີແລະການຕິດຕາມກວດກາຕໍ່ກອງທຶນສາທາລະນະ, ຊັບສິນຂອງລັດ, ຄວາມຮັບຜິດຊອບດ້ານເສດຖະກິດຂອງພະນັກງານນໍາ, ດໍາເນີນວຽກງານທີ່ມີປະສິດທິຜົນຈໍານວນຫລວງຫລາຍ ແລະນໍາໃຊ້ມາດຕະການທີ່ເພີ່ມທະວີການຄຸ້ມຄອງ, ປ້ອງກັນແລະຄວບຄຸມຄວາມສ່ຽງໄພ. ພັນທະບັດຂອງລັດໃຫ້ຢູ່ໃນເຂດທີ່ປອດໄພແລະສາມາດຄວບຄຸມໄດ້.
ພິທີໄຂກອງປະຊຸມຄັ້ງນີ້ໄດ້ມີສະມາຊິກແລະນັກສັງເກດການຂອງອົງການກວດກາບັນຊີໂລກ 680 ກວ່າຄົນທີ່ມາຈາກ 160 ກວ່າປະເທດເຂົ້າຮ່ວມ.
