ຮອງນາຍົກຈີນພົບປະກັບນາຍົກສິງກະໂປ
ວັນທີ 22 ຕຸລານີ້, ທ່ານຈ່າງກ່າວລີ້, ຮອງນາຍົກລັດຖະມົນຕີຈີນໄດ້ພົບປະກັບທ່ານລີຊຽນລຸງ, ນາຍົກລັດຖະມົນຕີສິງກະໂປຢູ່ສິງກະໂປ.
ທ່ານຈ່າງກ່າວລີ້ກ່າວວ່າ, ພະນະທ່ານໄດ້ເດີນທາງໄປຢ້ຽມຢາມຈີນໃນເດືອນສິງຫາຜ່ານມານີ້ ໂດຍໄດ້ບັນລຸຄວາມຮັບຮູ້ທີ່ເປັນເອກະສັນກັນທີ່ສໍາຄັນກັບທ່ານສີຈິ້ນຜິງ ປະທານປະເທດຈີນແລະທ່ານນາຍົກລັດຖະມົນຕີຫລີເຄີ້ສຽງກ່ຽວກັບການພັດທະນາການພົວພັນແບບໃໝ່ລະຫວ່າງຈີນ-ສິງກະໂປໃນໄລຍະໃໝ່ ເຊິ່ງໄດ້ເປັນການຊີ້ທິດໃຫ້ແກ່ການລົງເລິກການຮ່ວມມືລະຫວ່າງສອງປະເທດຕື່ມອີກ. ການຢ້ຽມຢາມສິງກະໂປຂອງຂ້າພະເຈົ້າໃນຄັ້ງນີ້ແມ່ນເພື່ອຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນລະຫວ່າງຜູ້ນໍາສອງປະເທດ, ຊຸກຍູ້ການພົວພັນຈີນ-ສິງກະໂປໃຫ້ໄດ້ຮັບຄວາມຄືບໜ້າຫລາຍກວ່າເກົ່າ ຜ່ານການນໍາໃຊ້ກົນໄກການຮ່ວມມືທີ່ມີຢູ່ໃນປັດຈຸບັນໃຫ້ດີ, ເອົາໃຈໃສ່ການດໍາເນີນໂຄງການສໍາຄັນໃຫ້ດີ, ເປີດກວ້າງແລະລົງເລິກການຮ່ວມມື.
ທ່ານຈ່າງກ່າວລີ້ກ່າວຕື່ມວ່າ, ຝ່າຍຈີນຍິນດີເພີ່ມທະວີການປະສານງານກັບຝ່າຍສິງກະໂປ, ຊຸກຍູ້ການຮ່ວມມືຈີນ-ອາຊຽນທີ່ມີຂົງເຂດກວ້າງຂວາງ、ເລິກເຊິ່ງ, ມີລະດັບສູງ ແລະມີຫລາຍທິດ. ທ່ານລີຊຽນລຸງກ່າວວ່າ, ຝ່າຍສິງກະໂປຍິນດີທີ່ໄດ້ເຫັນຈີນສືບຕໍ່ຊຸກຍູ້ການປະຕິຮູບແລະເປີດປະຕູສູ່ພາຍນອກ. ການພັດທະນາແບບຍືນຍົງແລະໝັ້ນທ່ຽງຂອງຈີນສອດຄ່ອງກັບຜົນປະໂຫຍດຂອງສິງກະໂປ. ສິງກະໂປຈະສືບຕໍ່ເຂົ້າຮ່ວມການສ້າງສາພັດທະນາຂອງຈີນຢ່າງຕັ້ງໜ້າ.
ທ່ານລີຊຽນລຸງກ່າວວ່າ, ຝ່າຍສິງກະໂປຍິນດີທີ່ໄດ້ເຫັນຈີນສືບຕໍ່ຊຸກຍູ້ການປະຕິຮູບແລະເປີດປະຕູສູ່ພາຍນອກ. ການພັດທະນາແບບຍືນຍົງແລະໝັ້ນທ່ຽງຂອງຈີນສອດຄ່ອງກັບຜົນປະໂຫຍດຂອງສິງກະໂປ. ສິງກະໂປຈະສືບຕໍ່ເຂົ້າຮ່ວມການສ້າງສາພັດທະນາຂອງຈີນຢ່າງຕັ້ງໜ້າ.
