ອົງການເກືອດຫ້າມອາວຸດເຄມີໄດ້ກວດກາອຸປະກອນອາວຸດເຄມີຢູ່ຊີຣີ 18 ແຫ່ງ
ວັນທີ 23 ຕຸລານີ້, ອົງການເກືອດຫ້າມອາວຸດເຄມີທີ່ມີສໍານັກງານໃຫຍ່ຢູ່ນະຄອນລາໄຮ ໂຮນລັງໄດ້ຈັດກອງປະຊຸທຂ່າວຢູ່ນະຄອນລາໄຮ ໂດຍໄດ້ແຈ້ງຄວາມຄືບໜ້າຫລ້າສຸດຂອງວຽກງານທໍາລາຍອາວຸດເຄມີຂອງຊີຣີ. ອົງການເກືອດຫ້າມອາວຸດເຄມີເຫັນວ່າ, ວຽກງານທໍາລາຍທີ່ກ່ຽວຂ້ອງໄດ້ດໍາເນີນໄປຢ່າງສະດວກ ແລະໄດ້ສະແດງຄວາມພໍໃຈຕໍ່ການໃຫ້ປະສານສົມທົບຂອງເຈົ້າໜ້າທີ່ຊີຣີ.
ທ່ານໄມເຄີນ ລູຮານ, ໂຄສົກອົງການເກືອດຫ້າມອາວຸດເຄມີກ່າວວ່າ, ມາຮອດວັນທີ 22 ຕຸລານີ້, ຊ່ຽວຊານອົງການເກືອດຫ້າມອາວຸດເຄມີໄດ້ກວດກາສາງອາວຸດເຄມີ 18 ແຫ່ງໃນຈໍານວນ 23 ແຫ່ງຢູ່ຊີຣີ, ບົດບາດຂອງອຸປະກອນສໍາຄັນໃນສາງອາວຸດດັ່ງກ່າວໄດ້ຖືກປິດໄປແລ້ວ. ທ່ານລູຮານກ່າວວ່າ, ວຽກງານທໍາລາຍອາວຸດເຄມີກໍາລັງດໍາເນີນໄປຕາມກໍານົດ, ພາຍຫລັງວັນທີ 1 ພະຈິກໜ້ານີ້ເປັນຕົ້ນໄປ, ຊີຣີຈະບໍ່ມີຄວາມສາມາດການຜະລິດອາວຸດເຄມີໄດ້ຕໍ່ໄປອີກ. ແຕ່ວ່າ ຊ່ຽວຊານອົງການເກືອດຫ້າມອາວຸດເຄມີຍັງບໍ່ທັນໄດ້ໄປກວດກາສາງອາວຸດເຄມີຢູ່ເຂດທີ່ຄວບຄຸມໂດຍຝ່າຍຕໍ່ຕ້ານເທື່ອ.
