ເຈົ້າໜ້າທີ່ກະຊວງການຕ່າງປະເທດຈີນຮຽກຮ້ອງໃຫ້ອາເມລິກາປ່ຽນແປງນະໂຍບາຍການຈໍາກັດການສົ່ງອອກສິນຄ້າເຕັກນິກວິທະຍາສາດລະດັບສູງຂອງຈີນໂດຍໄວ
ວັນທີ 23 ຕຸລານີ້, ໃນເວລາເຂົ້າຮ່ວມກອງປະຊຸມສໍາມະນາ"ການພົວພັນຈີນ-ອາເມລິກາໃນສະພາບການຫັນປ່ຽນຮູບແບບ：ຈຸດເລີ່ມຕົ້ນໃໝ່"ທີ່ຈັດຂຶ້ນຢູ່ນະຄອນຊຽງໄຮ, ທ່ານເຊ້ເຟິ່ງ, ຫົວໜ້າກົມທະວີບອາເມລິກາແລະໂອຊີອານີ ກະຊວງການຕ່າງປະເທດຈີນກ່າວວ່າ, ການພົວພັນປະເທດໃຫຍ່ແບບໃໝ່ລະຫວ່າງຈີນ-ອາເມລິກາ"ບໍ່ພຽງແຕ່ຕ້ອງຟັງແລ້ວມ່ວນເທົ່ານັ້ນ, ແຕ່ຍັງຕ້ອງມີປະສິດທິຜົນນໍາອີກ", ບໍ່ພຽງແຕ່ຕ້ອງມີຄວາມໝັ້ນໃຈແລະຄວາມຈິງໃຈເທົ່ານັ້ນ, ແຕ່ຍັງຕ້ອງມີການກະທໍາຕົວຈິງນໍາອີກ.
ທ່ານເຫັນວ່າ, ການພົວພັນລະຫວ່າງຈີນ-ອາເມລິກາ ກັບການພົວພັນລະຫວ່າງສອງປະເທດກັບປະເທດອື່ນໆຄວນສອດຄ່ອງກັນ, ອາເມລິກາບໍ່ຄວນແຊກແຊງເຂົ້າໃນຂໍ້ຂັດແຍ້ງກ່ຽວກັບຊາຍແດນແລະອະທິປະໄຕຂອງພາກພື້ນອາຊີ-ປາຊິຟິກ. ທ່ານກ່າວເນັ້ນວ່າ, ນະໂຍບາຍຂອງອາເມລິກາທີ່ໄດ້ຈໍາກັດການສົ່ງອອກສິນຄ້າເຕັກນິກວິທະຍາສາດລະດັບສູງຕໍ່ຈີນເປັນຂໍ້ຈໍາກັດຂອງການພັດທະນາການພົວພັນຈີນ-ອາເມລິກາ, ຕໍ່ກໍລະນີທີ່ປ່ຽນແປງນະໂຍບາຍດັ່ງກ່າວຍັງບໍ່ທັນໄດ້ປະຕິບັດຢ່າງແທ້ຈິງ, ທ່ານຫວັງວ່າຝ່າຍອາເມລິກາຈະດໍາເນີນການກະທໍາທີ່ແທ້ຈິງໂດຍໄວ.
