ການລະບາຍນໍ້າຂອງເຂື່ອນນໍ້າພູພຽງຄາມມາລົນມາເລເຊຍໄດ້ເຮັດໃຫ້ເກີດໄພນໍ້າຖ້ວມ
ວັນທີ 23 ຕຸລານີ້, ພູພຽງຄາມມາລົນທີ່ເປັນແຫລ່ງທ່ອງທ່ຽວທີ່ມີຊື່ສຽງຂອງມາເລເຊຍໄດ້ລະບາຍນໍ້າຈາກເຂື່ອນເນື່ອງຈາກວ່າຝົນຕົກແຮງ, ແຕ່ວ່ານໍ້າໄຫລອອກຢ່າງຮຸນແຮງແລະເຮັດໃຫ້ເກີດໄພນໍ້າຖ້ວມຢ່າງຮ້າຍແຮງ ເຊິ່ງໄດ້ເຮັດໃຫ້ມີຜູ້ເສຍຊີວິດ 3 ຄົນ, ມີ 3 ຄົນໄດ້ຫາຍສາບສູນ, ປະມານ 80 ຄອບຄົວໄດ້ຮັບຜົນກະທົບ, ຄາດວ່າມູນຄ່າການເສຍຫາຍຈະມີຫລາຍກວ່າ 10 ລ້ານຣິງກິດມາເລເຊຍ.
ເຈົ້າໜ້າທີ່ຕໍາຫລວດຢັ້ງຢືນວ່າ, ໃນ 3 ຄົນທີ່ເສຍຊີວິດ, ຄົນໜຶ່ງເປັນຜູ້ຊາຍທາງຄົນເຊື້ອສາຍຈີນ, ຄົນໜຶ່ງເປັນກໍາມະກອນບັງກະລາເດັດ ແລະຍັງມີອີກຄົນໜຶ່ງເປັນ ກໍາມະກອນອິນໂດເນເຊຍ. ສື່ມວນຊົນທ້ອງຖິ່ນລາຍງານວ່າ, ນີ້ເປັນໄພນໍ້າຖ້ວມທີ່ຮ້າຍແຮງທີ່ສຸດຂອງທ້ອງຖິ່ນໃນປະຫວັດສາດ.
ຂ່າວແຈ້ງວ່າ, ລະດູຝົນນີ້ໄດ້ເຮັດໃຫ້ລະດັບນໍ້າຂອງເຂື່ອນນໍ້າຣິງເລັດຢູ່ພູພຽງຄາມມາລົນສູງຂຶ້ນ, ອົງການຄຸ້ມຄອງໄດ້ຕົກລົງລະບາຍນໍ້າໃນເວລາ 0 ໂມງຂອງວັນທີ 23 ຕຸລານີ້, ແຕ່ວ່າບໍ່ນຶກບໍ່ຝັນເລີຍວ່າໄດ້ເຮັດໃຫ້ບ້ານເຮືອນຂອງປະຊາຊົນທີ່ຢູ່ເຂດລຽບຕາມຍ່ານໃຕ້ແມ່ນນໍ້າໄດ້ເກີດໄພນໍ້າຖ້ວມ,ເຮັດໃຫ້ລະດັບນໍ້າສູງກວ່າ 3 ແມັດ,ແລະໄດ້ຖ້ວມເຮືອນຊານຂອງປະຊາຊົນ.
