ສຳນັກງານບໍລິສັດHUAWEI Technologyຈີນຈຳກັດຢູ່ລາວບໍລິຈາກເງິນ1ໝື່ນໂດລາເພື່ອຊ່ວຍເຫຼືອໃຫ້ເຂດປະສົບໄພນ້ຳຖ້ວມທີ່ຢູ່ພາກໃຕ້ລາວ
ຕາມຂ່າວCRI: ຕອນບ່າຍວັນທີ24ຕຸລານີ້, ຢູ່ຫ້ອງການລັດຖະບານຂອງລາວ, ສຳນັກງານຂອງບໍລິສັດHUAWEI Technologyຈີນຈຳກັດຢູ່ລາວໄດ້ບໍລິຈາກເງິນ1ໝື່ນໂດລາໃຫ້ລັດຖະບານລາວ, ເພື່ອຊ່ວຍເຫຼືອປະຊາຊົນທີ່ປະສົບໄພນ້ຳຖ້ວມຄັ້ງຮ້າຍແຮງຢູ່ທີ່ພາກໃຕ້ລາວ. ທ່ານສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີລາວ, ເຈົ້າໜ້າທີ່ກ່ຽວຂ້ອງຂອງກະຊວງແຮງງານແລະສະຫວັດດີການສັງຄົມລາວພ້ອມດ້ວຍທ່ານຮວງຈຸນຫວູ, ຜູ້ຕາງໜ້າສຳນັກງານບໍລິສັດHUAWEI Technology ຈີນຈຳກັດຢູ່ລາວໄດ້ເຂົ້າຮ່ວມກິດຈະກຳດັ່ງກ່າວ.
ຂ່າວແຈ້ງວ່າ, ສຳນັກງານບໍລິສັດHUAWEI Technologyຈີນຈຳກັດໄດ້ດຳເນີນທຸລະກິດຢູ່ລາວຫຼາຍກວ່າ15ປີມາແລິ້ວ, ໄດ້ສະໜອງແຜນການແກ້ໄຂດ້ານໂທລະຄົມທີ່ດີເດັ່ນໃຫ້ວິສາຫະກິດລາວທີ່ດຳເນີນທຸລະກິດດ້ານໂທລະຄົມ, ໄດ້ປະກອບສ່ວນຢ່າງໃຫຍ່ຫຼວງເຂົ້າໃນຂະແໜງການໂທລະຄົມຂອງລາວ. ພ້ອມກັນນັ້ນ, ບໍລິສັດHUAWEI Technologyຈີນຈຳກັດຍັງໄດ້ຕັ້ງໜ້າປະກອບສ່ວນເຂົ້າໃນຂະແໜງການສາທາ ລະນະປະໂຫຍດຂອງລາວ, ນອກນີ້ບໍລິສັດຍັງໄດ້ປະກອບສ່ວນຊ່ວຍສັງຄົມຕື່ມອີກ.
