ສາເຫດໄຟໄໝ້ປ່າຢູ່ອົສຕຼາລີແມ່ນຍ້ອນການຊ້ອມຮົບຂອງທະຫານ ກະຊວງປ້ອງກັນປະເທດອົສຕຼາລີໄດ້ສະແດງຄວາມຂໍອະໄພຕໍ່ປະຊາຊົນແລ້ວ
(GMT+08:00) 2013-10-25 10:49:22 cri
ບົດລາຍງານສໍາຫລວດຂອງກົມດັບເພີງຊົນນະບົດລັດນີວຊາວເວວ ອົສຕຼາລີຊີ້ໃຫ້ເຫັນວ່າ, ສາເຫດຂອງໄຟໄໝ້ປ່າຢູ່ລັດນີວຊາວເວວແມ່ນຍ້ອນວ່າກະຊວງປ້ອງກັນປະເທດອົສຕຼາລີໄດ້ດໍາເນີນການຝຶກຫັດການໃຊ້ລະເບີດໃນວັນທີ 16 ຕຸລານີ້. ວັນທີ 24 ຕຸລານີ້, ກະຊວງປ້ອງກັນປະເທດອົສຕຼາລີໄດ້ອອກຖະແຫລງການເພື່ອສະແດງຄວາມຂໍອະໄພຕໍ່ປະຊາຊົນແລ້ວ.
ໃນ 1 ອາທິດມານີ້, ໄຟໄໝ້ປ່າຢູ່ພູບຼູແລະເຂດອື່ນໆຂອງອົສຕຼາລີໄດ້ແຜ່ລາມໄປຢ່າງບໍ່ຢຸດຢັ້ງ ແລະໄດ້ເຜົາທໍາລາຍຕົ້ນໄມ້ແລະອາຄານບ້ານເຮືອນ. ນັກດັບເພີງ 1500 ກວ່າຄົນໄດ້ພະຍາຍາມມອດໄຟທີ່ເກີດຂຶ້ນຫລາຍຈຸດ ເພື່ອຫລຸດຜ່ອນການເສຍຫາຍດ້ານຊັບສິນ. ປັດຈຸບັນນີ້, ເນື້ອທີ່ຖືກໄຟໄໝ້ຢູ່ລັດນີວຊາວເວວມີເກືອບ 5 ໝື່ນເຮັກຕາ.
