ລັດຖະບານໄທຈະເກັບພາສີເຂົ້າເມືອງນຳນັກທ່ອງທ່ຽວຕ່າງປະເທດ
(GMT+08:00) 2013-10-28 17:54:03 cri
ຕາມຂ່າວCRI: ສື່ມວນຊົນໄທລາຍງານໃນຫວ່າງມໍ່ໆນີ້ວ່າ, ລັດຖະບານໄທມີແຜນຈະເກັບພາສີເຂົ້າເມືອງນຳນັກທ່ອງທ່ຽວຕ່າງປະເທດນັບແຕ່ປີ2014ໜ້ານີ້ເປັນຕົ້ນໄປ, ພ້ອມກັນນັ້ນຍັງມີແຜນຈະຍົກສູງພາສີສະໜາມບິນແຫ່ງຕ່າງໆຂອງໄທຂຶ້ນອີກ.
ທ່ານສົມສັກ ພູລີສີສັກ, ລັດຖະມົນຕີວ່າການກະຊວງການທ່ອງທ່ຽວແລະກິລາໄທແນະນຳວ່າ, ສາເຫດທີ່ລັດຖະບານໄທມີແຜນຈະປະຕິບັດມາດຕະການນີ້, ຕົ້ນຕໍແມ່ນເພື່ອເຮັດໃຫ້ລາຍຮັບແລະລາຍຈ່າຍຂອງລັດຖະບານມີຄວາມດຸ່ນດ່ຽງກັນ.
ຂະແໜງການທ່ອງທ່ຽວໄທສະແດງຄວາມເປັນຫ່ວງນຳມາດຕະການນີ້. ທ່ານສິດດີວັດຊະລະ ຊີວະລັດຕະນະພອນ, ປະທານສະມາຄົມອົງການທ່ອງທ່ຽວໄທກ່າວວ່າ, ການເກັບພາສີເຂົ້າເມືອງຂອງໄທຈະເຮັດໃຫ້ຄ່າໃຊ້ຈ່າຍຂອງນັກທ່ອງທ່ຽວເພີ່ມຂຶ້ນຢ່າງແນ່ນອນ. ທ່ານເຫັນວ່າ, ຖ້າວ່າມາດຕະການນີ້ໄດ້ຮັບການປະຕິບັດແລ້ວ, ຈະເປັນການທຳລາຍພາບພົດອັນດີງາມຂອງນັກທ່ອງທ່ຽວຕ່າງປະເທດທີ່ມີຕໍ່ປະເທດໄທ, ເຊິ່ງຈະເຮັດໃຫ້ຈຳນວນນັກທ່ອງທ່ຽວຕ່າງປະເທດໄປທ່ຽວໄທຫຼຸດໜ້ອຍລົງ. ທ່ານເຫັນວ່າລັດຖະບານຄວນພິຈາລະນາຢ່າງມີຄວາມລະມັດລະວັງຕໍ່ການປະຕິບັດມາດຕະການນີ້. ຖ້າວ່າປະຕິບັດແທ້, ລັດຖະບານໄທຄວນເປີດເຜີຍຊ່ອງທາງການນຳໃຊ້ລາຍຮັບຈາກພາສີປະເພດນີ້, ແລະຍົກສູງລະດັບການບໍລິການດ້ານການທ່ອງທ່ຽວຢ່າງຮອບດ້ານ.
ທ່ານສົມສັກ ພູລີສີສັກ, ລັດຖະມົນຕີວ່າການກະຊວງການທ່ອງທ່ຽວແລະກິລາໄທແນະນຳວ່າ, ສາເຫດທີ່ລັດຖະບານໄທມີແຜນຈະປະຕິບັດມາດຕະການນີ້, ຕົ້ນຕໍແມ່ນເພື່ອເຮັດໃຫ້ລາຍຮັບແລະລາຍຈ່າຍຂອງລັດຖະບານມີຄວາມດຸ່ນດ່ຽງກັນ.
ຂະແໜງການທ່ອງທ່ຽວໄທສະແດງຄວາມເປັນຫ່ວງນຳມາດຕະການນີ້. ທ່ານສິດດີວັດຊະລະ ຊີວະລັດຕະນະພອນ, ປະທານສະມາຄົມອົງການທ່ອງທ່ຽວໄທກ່າວວ່າ, ການເກັບພາສີເຂົ້າເມືອງຂອງໄທຈະເຮັດໃຫ້ຄ່າໃຊ້ຈ່າຍຂອງນັກທ່ອງທ່ຽວເພີ່ມຂຶ້ນຢ່າງແນ່ນອນ. ທ່ານເຫັນວ່າ, ຖ້າວ່າມາດຕະການນີ້ໄດ້ຮັບການປະຕິບັດແລ້ວ, ຈະເປັນການທຳລາຍພາບພົດອັນດີງາມຂອງນັກທ່ອງທ່ຽວຕ່າງປະເທດທີ່ມີຕໍ່ປະເທດໄທ, ເຊິ່ງຈະເຮັດໃຫ້ຈຳນວນນັກທ່ອງທ່ຽວຕ່າງປະເທດໄປທ່ຽວໄທຫຼຸດໜ້ອຍລົງ. ທ່ານເຫັນວ່າລັດຖະບານຄວນພິຈາລະນາຢ່າງມີຄວາມລະມັດລະວັງຕໍ່ການປະຕິບັດມາດຕະການນີ້. ຖ້າວ່າປະຕິບັດແທ້, ລັດຖະບານໄທຄວນເປີດເຜີຍຊ່ອງທາງການນຳໃຊ້ລາຍຮັບຈາກພາສີປະເພດນີ້, ແລະຍົກສູງລະດັບການບໍລິການດ້ານການທ່ອງທ່ຽວຢ່າງຮອບດ້ານ.
