ນາຍົກລັດຖະມົນຕີຍີ່ປຸ່ນກ່າວອີກວ່າ ຈະຊຸກຍູ້ການຄົ້ນຄວ້າພິຈາລະນາການປະຕິບັດສິດປ້ອງກັນຕົນເອງລວມໝູ່
ວັນທີ 27 ຕຸລານີ້, ໃນເວລາເຂົ້າຮ່ວມພິທີສວນວະໜາມກອງປ້ອງກັນຕົນເອງທາງບົກຍີ່ປຸ່ນ, ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນ ກ່າວວ່າ, ຕ້ອງຊຸກຍູ້ການຄົ້ນຄວ້າພິຈາລະນາກົດໝາຍຮັບປະກັນຄວາມປອດໄພເຊິ່ງລວມທັງສິດປ້ອງກັນຕົນເອງລວມໝູ່, ການຮັບປະກັນຄວາມປອດໄພລວມໝູ່ ແລະອື່ນໆ ແລະຮ່ວມນກັນເພີ່ມທະວີການຮ່ວມມືດ້ານການປ້ອງກັນຊາກັບປະເທດທີ່ມີຄ່ານິຍົມຮ່ວມກັນ.
ຕໍ່ກໍລະນີທີ່ຍີ່ປຸ່ນໄດ້ປະກາດວ່າຈະວາງກົວໝາຍເພື່ອປະຕິບັດສິດປ້ອງກັນຕົນເອງລວມໝູ່ເປັນຫລາຍຄັ້ງ, ທ່ານຫົງເຫລີຍ, ໂຄສົກກະຊວງການຕ່າງປະເທດຈີນເຄີຍກ່າວວ່າ, ຫວັງວ່າຝ່າຍຍີ່ປຸ່ນຈະຖືປະຫວັດສາດເປັນແວ່ນແຍງ, ເຄົາລົບນັບຖືຄວາມເປັນຫ່ວງຂອງປະເທດໃນພາກພື້ນນີ້, ກະທໍາໃນສິ່ງທີ່ມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນນີ້ໃຫ້ຫລາຍກວ່າເກົ່າ, ຍຸດຕິການສ້າງແລະສົ່ງເສີມການເປັນປໍລະປັກຕໍ່ກັນ ແລະການສ້າງຂໍ້ອ້າງໃຫ້ແກ່ການເພີ່ມກໍາລັງທະຫານແລະປັບປຸງຍຸດທະສາດດ້ານການທະຫານຂອງຕົນ.
