ທ່ານບຼາຮີມີເດີນທາງໄປເຖິງຊີຣີແລະເລີ່ມການໄກ່ເກ່ຍບັນຫາພາຍໃນຂອງຝ່າຍຕ່າງໆ
ວັນທີ 28 ຕຸລານີ້, ທ່ານລັກດາ ບຼາຮີມີ, ຜູ້ຕາງໜ້າພິເສດຮ່ວມກ່ຽວກັບວິກິດການຊີຣີຂອງອົງການສະຫະປະຊາຊາດ-ສັນນິບາດອາຣັບໄດ້ເດີນທາງໄປເຖິງນະຄອນຫລວງດາມັດສຂອງຊີຣີ ແລະເລີ່ມການພົບປະເຈລະຈາກັບຝ່າຍທີ່ກ່ຽວຂ້ອງຂອງຊີຣີວ່າດ້ວຍກອງປະຊຸມສາກົນບັນຫາຊີຣີ. ໃນໄລຍະຢ້ຽມຢາມຊີຣີ, ທ່ານຈະຈັດການເຈລະຈາກັບເຈົ້າໜ້າທີ່ອົງການລັດຖະບານເຊັ່ນກະຊວງການຕ່າງປະເທດຊີຣີ ແລະຜູ້ນໍາຝ່າຍຕໍ່ຕ້ານເຊັ່ນອົງການປະສານງານກໍາລັງປະຕິຮູບປະຊາທິປະໄຕທົ່ວປະເທດຊີຣີ ແລະອື່ນໆ.
ກ່ອນທ່ານຈະເດີນທາງໄປຢ້ຽມຢາມຊີຣີ, ທ່ານກໍໄດ້ໄປຢ້ຽມຢາມເອຢິບ, ອີຣັກ, ຄູເວັດ, ໂອມານ, ກາຕາ, ຕວກກີ, ຊັອກດານີ, ອີຣານ ແລະປະເທດແລະພາກພື້ນອື່ນໆ ແລະໄດ້ປືກສາຫາລືກັບສັນນິບາດອາຣັບແລະປະເທດທີ່ກ່ຽວຂ້ອງໃນພາກພື້ນກ່ຽວກັບວຽກງານການກະກຽມກອງປະຊຸເຊີແນວຄັ້ງທີສອງ. ມາຮອດປັດຈຸບັນນີ້, ລັດຖະບານຊີຣີກັບຝ່າຍຕໍ່ຕ້ານຕ່າງໆທັງພາຍໃນແລະຕ່າງປະເທດຊີຣີມີຂໍ້ຂັດແຍ້ງກັນຫລາຍໃນບັນຫາຕ່າງໆເຊັ່ນ ເວລາຈັດກອງປະຊຸມ, ເງື່ອນໄຂການເຂົ້າຮ່ວມກອງປະຊຸມແລະອື່ນໆ.
