ສປປ ເກົາຫລີລະນຶກວັນທີ່ກອງທະຫານອາສາສະໝັກປະຊາຊົນຈີນໄປປະຕິບັດພັນທະສາກົນຂອງຕົນຢູ່ ສປປ ເກົາຫລີ ຄົບຮອບ 63 ປີ
ວັນທີ 28 ຕຸລານີ້, ສໍານັກຂ່າວສູນກາງ ສປປ ເກົາຫລີລາຍງານວ່າ, ສຸສານຜູ້ເສຍສະຫລະກອງທະຫານອາສາສະໝັກປະຊາຊົນຈີນທີ່ເປັນສັນຍະລັກແຫ່ງມິດຕະພາບອັນເປັນມູນເຊື້ອລະຫວ່າງ ສປປ ເກົາຫລີກັບຈີນ ຈະມີແຈ້ງສະຫວ່າງຢູ່ຕະຫລອດໄປ. ວັນທີ 25 ຕຸລານີ້, ຜູ້ນໍາພັກ, ລັດແລະກອງທັບ ສປປ ເກົາຫລີໄດ້ຈັດພິທີລະນຶກວັນທີ່ກອງທະຫານອາສາສະໝັກປະຊາຊົນຈີນໄປປະຕິບັດພັນທະສາກົນຂອງຕົນຢູ່ ສປປ ເກົາຫລີ ຄົບຮອບ 63 ປີ. ສື່ມວນຊົນ ສປປ ເກົາຫລີກໍໄດ້ອອກບົດສະດຸດດີຫລາຍບົດໃນເມື່ອບໍ່ດົນມານີ້. ເດືອນກໍລະກົດປີນີ້, ໃນເວລາລົງຢ້ຽມຢາມສຸສານ, ທ່ານຄີມ ຈົງ-ອຸນ, ຜູ້ນໍາສູງສຸດ ສປປ ເກົາຫລີກ່າວເນັ້ນວ່າ, ຈິດໃຈຂອງຜູ້ເສຍສະຫລະຂອງກອງທະຫານອາສາສະໝັກປະຊາຊົນຈີນທີ່ເດີນທາງໄປສູ່ສະໜາມຮົບຢ່າງຈູບຈ້າງຫ້າວຫັນແລະສະຫລະຊີວິດທີ່ລໍ້າຄ່າຈະໄດ້ຮັບການຈາລຶກໄວ້ຈາກອງທັບແລະປະຊາຊົນ ສປປ ເກົາຫລີຕະຫລອດໄປ.
ວັນທີ 25 ຕຸລານີ້ ເປັນວັນລະນຶກກອງທະຫານອາສາສະໝັກປະຊາຊົນຈີນທີ່ໄດ້ສູ້ຮົບຢູ່ ສປປ ເກົາຫລີ ຄົບຮອບ 63 ປີ, ວົງການຕ່າງໆຂອງ ສປປ ເກົາຫລີໄດ້ຈັດກິດຈະກໍາລະນຶກຫລາຍຄັ້ງໃນຫລາຍມື້ມໍ່ໆມານີ້. ວັນທີ 25 ຕຸລານີ້, ຜູ້ນໍາພັກ, ລັດ ແລະກອງທັບ ສປປ ເກົາຫລີໄດ້ຈັດພິທີລະນຶກຢູ່ຕໍ່ໜ້າອານຸສາວະລີມິດຕະພາບ ສປປ ເກົາຫລີ-ຈີນຢູ່ນະຄອນຫລວງພຽງຢາງຂອງ ສປປ ເກົາຫລີ. ໃນຫລາຍມື້ມໍ່ໆມານີ້, ຫລາຍໆຄົນໄດ້ເດີນທາງໄປໄວ້ອາໄລຢູ່ສຸສານຜູ້ເສຍສະຫລະຂອງກອງທະຫານອາສາສະໝັກປະຊາຊົນຈີນ.
