ຄວາມເວົ້າທີ່ກ່ຽວຂ້ອງຂອງຜູ້ນໍາຍີ່ປຸ່ນສະແດງໃຫ້ເຫັນເຖິງຄວາມຈອງຫອງແຕ່ພັດເກງກົວແບບຕົວະຕົນເອງຂອງນັກເລງການເມືອງຍີ່ປຸ່ນ
ວັນທີ 28 ຕຸລານີ້, ທ່ານນາງຮວ໋າຊຸນຢິ໋ງ, ໂຄສົກກະຊວງການຕ່າງປະເທດຈີນກ່າວຢູ່ນະຄອນຫລວງປັກກິ່ງວ່າ, ຜູ້ນໍາຍີ່ປຸ່ນທີ່ກ່າວຄວາມເວົ້າແບບທ້າທາຍເກາະຜິດກ່ຽວກັບຈີນຢ່າງບໍ່ຢຸດຢັ້ງໄດ້ສະແດງໃຫ້ເຫັນເຖິງຄວາມຈອງຫອງແຕ່ພັດເກງກົວແບບຕົວະຕົນເອງຂອງນັກເລງການເມືອງຍີ່ປຸ່ນອີກຄັ້ງໜຶ່ງ, ຍີ່ປຸ່ນຄວນສະແດງຄວາມຈິງໃຈແລະການກະທໍາຕົວຈິງ ເພື່ອທໍາຄວາມພະຍາຍາມຢ່າງແທ້ຈິງໃນການຮັກສາສັນຕິພາບແລະສະຖຽນລະພາບຂອງພາກພື້ນ.
ນາງຮວ໋າຊຸນຢິ໋ງກ່າວວ່າ, ການກະທໍາພຽງຝ່າຍດຽວຂອງຝ່າຍຍີ່ປຸ່ນຕໍ່ເກາະຕ້ຽວຢູແມ່ນຜິດກົດໝາຍແລະບໍ່ມີຜົນສັກສິດມາແຕ່ຕົ້ນ, ຝ່າຍຈີນບໍ່ເຄີຍຮັບຮອງແລະໄດ້ທໍາການຄັດຄ້ານຢ່າງເດັດດ່ຽວ. ຜູ້ທີ່ທໍາລາຍສະພາບປັດຈຸບັນຂອງເກາະຕ້ຽວຢູບໍ່ແມ່ນຜູ້ອື່ນ, ຫາກແມ່ນຍີ່ປຸ່ນເອງ. ຝ່າຍຍີ່ປຸ່ນຄວນສໍານຶກຄືນການກະທໍາຂອງຕົນເອງ, ຍຸດຕິຄວາມເວົ້າແລະການກະທໍາແບບທ້າຍທາຍເກາະຜິດ, ສະແດງຄວາມຈິງໃຈແລະການກະທໍາຕົວຈິງ ແລະທໍາຄວາມພະຍາຍາມຢ່າງແທ້ຈິງເພື່ອຄວບຄຸມແລະແກ້ໄຂບັນຫາຢ່າງເໝາະສົມ ເພື່ອຮັກສາສັນຕິພາບແລະສະຖຽນລະພາບຂອງພາກພື້ນ.
