ການເລືອກຕັ້ງລະດັບທ້ອງຖິ່ນຂອງຟິລິບປິນເກີດເຫດການຄວາມຮຸນແຮງຢ່າງຕໍ່ເນື່ອງ ກອງທັບແລະຕໍາຫລວດຢູ່ໃນສະພາບກຽມພ້ອມຢ່າງຮອບດ້ານ
ໜັງສືພິມຫລຽນເຮີຈາວປ້າວຂອງສິງກະໂປລາຍງານວ່າ, ວັນທີ 28 ຕຸລານີ້, ຟິລິບປິນໄດ້ຈັດການເລືອກຕັ້ງຂັ້ງບ້ານໂດຍມີກອງທັບແລະຕໍາຫລວດທົ່ວປະເທດປ້ອງກັນຢ່າງຮອບດ້ານ. ໃນໜຶ່ງເດືອນທີ່ຜ້ານມາ, ໃນທົ່ວປະເທດຟິລິບປິນມີຜູ້ສະໝັກຮັບເລືອກຕັ້ງແລະຜູ້ສະໜັບສະໜູນຜູ້ສະໝັກຮັບເລືອກຕັ້ງລວມ 22 ຄົນໄດ້ເສຍຊີວິດໃນເຫດການຄວາມຮຸນແຮງທີ່ກ່ຽວຂ້ອງກັບການເລືອກຕັ້ງ, ຍັງມີເກືອບ 30 ຄົນໄດ້ຮັບບາດເຈັບ, ຫລາຍຮ້ອຍຄົນຖືກຈັບຕົວ.
ທ່ານຣູເບນ ຊິນດັກ, ໂຄສົກຕໍາຫລວດແຫ່ງຊາດຟິລິບປິນກ່າວວ່າ, ຍ້ອນວ່າມີການແຂ່ງຂັນຢ່າງຮຸນແຮງລະຫວ່າງຜູ້ລົງສະໝັກຮັບເລືອກຕັ້ງ, ສະນັ້ນໄດ້ເກີດເຫດການຮຸນແຮງເລື້ອຍໆ. ປັດຈຸບັນນີ້, ຕໍາຫລວດໄດ້ເພີ່ມກໍາລັງຢ່າງຫລວງຫລາຍເພື່ອຮັກສາຄວາມປອດໄພຂອງຜູ້ສະໝັກຮັບເລືອກຕັ້ງທຸກໆຄົນ. ທ່ານອາກີໂນ, ປະທານາທິບໍດີຟິລິບປິນກໍໄດ້ຮຽກຮ້ອງໃຫ້ທຸກຝ່າຍຈົ່ງຍຸດຕິການໂຈມຕີດ້ວຍຄວາມຮຸນແຮງ.
