ສະຖານທູດຈີນປະຈໍາລາວຈະສືບຕໍ່ທໍາຄວາມພະຍາຍາມເພື່ອຊຸກຍູ້ການຮ່ວມມືດ້ວຍໄມຕີຈິດມິດຕະພາບລະຫວ່າງຈີນ-ລາວໃນຂົງເຂດການສຶກສາ
ຕອນບ່າຍວັນທີ 29 ຕຸລານີ້, ທ່ານກວ່ານຮວາປິ່ງ, ເອອັກຄະລັດຖະທູດຈີນປະຈໍາລາວກ່າວວ່າ, ສະຖານທູດຈີນປະຈໍາລາວຈະສືບຕໍ່ທໍາຄວາມພະຍາຍາມເພື່ອຊຸກຍູ້ການຮ່ວມມືດ້ວຍໄມຕີຈິດມິດຕະພາບລະຫວ່າງຈີນ-ລາວໃນຂົງເຂດການສຶກສາ.
ທ່ານກວ່ານຮວາປິ່ງໄດ້ກ່າວຄວາມເວົ້າດັ່ງກ່າວໃນໂອກາດພົບປະກັບ ສ.ຈ ດຣ. ສຸກກົງແສງ ໄຊຍະເລີດ, ອະທິການບໍດີມະຫາວິທະຍາໄລແຫ່ງຊາດລາວ. ໃນການພົບປະ, ສອງຝ່າຍໄດ້ແລກປ່ຽນຄໍາຄິດຄໍາເຫັນຢ່າງເລິກເຊິ່ງກ່ຽວກັບການຮ່ວມມືລະຫວ່າງສອງປະເທດໃນຂົງເຂດການສຶກສາໂດຍສະເພາະແມ່ນການຮ່ວມມືລະຫວ່າງມະຫາວິທະຍາໄລຂອງສອງປະເທດ ແລະຍັງໄດ້ກ່າວວ່າຈະຮ່ວມກັນທໍາຄວາມພະຍາຍາມເພື່ອຊຸກຍູ້ການຮ່ວມມືໃນຂົງເຂດນີ້ໃຫ້ໄດ້ຮັບຄວາມຄືບໜ້າຕື່ມອີກ.
ຕອນບ່າຍວັນດຽວກັນ, ທ່ານກວ່ານຮວາປິ່ງແລະທ່ານອະທິການບໍດີສຸກກົງແສງຍັງໄດ້ໄປຢ້ຽມຢາມນັກສຶກສາແລະຄູອາຈານຂອງສະຖາບັນຂົງຈືລາວ ແລະນັກສຶກສາຈີນທີ່ກໍາລັງສຶກສາຢູ່ມະຫາວິທະຍາໄລແຫ່ງຊາດລາວ.
