ສະພານິຕິບັນຍັດຮົງກົງຈີນຈະປຶກສາຫາລືກ່ຽວກັບມາດຕະການຂອງການລົງໂທດດ້ານເສດຖະກິດຕໍ່ຟີລິບປີນ
ຕາມຂ່າວCRI: ວັນທີ 6 ພະຈິກໜ້ານີ້, ສະພານິຕິບັນຍັດເຂດບໍລິຫານພິເສດຮົງກົງຈີນຈະປຶກສາຫາລືກ່ຽວກັບມາດຕະການຂອງການລົງໂທດດ້ານເສດຖະກິດຕໍ່ຟີລິບປີນ, ເຊິ່ງລວມທັງການຈະຢຸດຕິການຍົກເວັ້ນວິຊາເຂົ້າແດນໃຫ້ຊາວຟີລິບປີນຫຼືບໍ່, ເພື່ອສ້າງຄວາມກົດດັນຕໍ່ລັດຖະບານຟີລິບປີນທີ່ໄດ້ປະຕິເສດໃນການຂໍອະໄພນຳເຫດການຕົວປະກັນ.
ຜູ້ຕາງໜ້ານະຄອນຫຼວງມານີລາຟີລິບປີນໄດ້ພົບປະກັບຜູ້ປະສົບເຄາະຮ້າຍໃນເຫດການຕົວປະກັນເປັນຄັ້ງທຳອິດໃນວັນທີ 29 ຕຸລານີ້, ສອງຝ່າຍມີຄວາມເຫັນທີ່ບໍ່ລົງລອຍກັນກ່ຽວກັບການຂໍອະໄພ, ການຈ່າຍເງິນຄ່າທົດແທນແລະບັນຫາອື່ນໆ, ແລະບໍ່ໄດ້ບັນລຸຄວາມເຫັນເປັນເອກະສັນກັນ. ທ່ານນາງເຢ້ລິວຊູຢີ, ສະມາຊິກສະພານິຕິບັນຍັດທີ່ສັງກັດພັກປະຊາທິປະໄຕໃໝ່ໄດ້ສະເໜີໃຫ້ຍົກເລີກການຍົກເວັ້ນວິຊາເຂົ້າແດນຕໍ່ຊາວຟີລິບປີນ. ຖ້າມີຄວາມຈຳເປັນ, ກໍສາມາດຈຳກັດວິຊາເຮັດວຽກນອກຈາກແມ່ບ້ານແລະວິຊາການຄ້າຕໍ່ຟີລິບປີນ.
