ປະທານາທິບໍດີຊີຣີພົບປະເຈລະຈາກັບທ່ານບຼາຣິມີ
ວັນທີ 30 ຕຸລານີ້, ທ່ານບາຊາ ອານ-ອາຊັດ, ປະທານາທິບໍດີຊີຣີໄດ້ພົບປະກັບທ່ານລັກດາ ບຼາຣິມີ, ຜູ້ຕາງໜ້າພິເສດຮ່ວມວິກິດການຊີຣີຂອງອົງການສະຫະປະຊາຊາດ-ສັນນິບາດອາຣັບ ຢູ່ນະຄອນຫລວງດາມັດສຂອງຊີຣີ. ຂ່າວແຈ້ງວ່າ, ເວລາການພົບປະເຈລະຈາລະຫວ່າງທ່ານບາຊາກັບທ່ານບຼາຣິມີບໍ່ຮອດ 1 ຊົ່ວໂມງ. ສະຖານີໂທລະພາບແຫ່ງຊາດລາຍງານໂດຍອ້າງອີງຄວາມເວົ້າຂອງທ່ານບາຊາວ່າ, ມີແຕ່ຝ່າຍທີ່ກ່ຽວຂ້ອງຍຸດຕິການສະໜັບສະໜູນກໍາລັງການກໍ່ການຮ້າຍ ແລະເພີ່ມຄວາມກົດດັນໃຫ້ແກ່ປະເທດທີ່ສະໜັບສະໜູນດ້ານການເງິນ, ອາວຸດແລະຢູ່ເບື້ອງຫລັງແກ່ກໍາລັງກໍ່ການຮ້າຍເທົ່ານັ້ນ ຈຶ່ງຈະສາມາດເຮັດໃຫ້ການເຈລະຈາໄດ້ຮັບຜົນສໍາເລັດ.
ວັນທີ 28 ຕຸລານີ້, ທ່ານບຼາຣິມີໄດ້ເດີນທາງໄປເຖິງນະຄອນຫລວງດາມັດສຂອງຊີຣີ ເພື່ອກະກຽມການຈັດກອງປະຊຸມເຊີແນວຄັ້ງທີ 2 ກ່ຽວກັບບັນຫາຊີຣີ. ວັນທີ 29 ຕຸລານີ້, ທ່ານບຼາຣິມີໄດ້ພົບປະເຈລະຈາກັບທ່ານວາລິດ ໂມອາເລມ, ລັດຖະມົນຕີວ່າການກະຊວງການຕ່າງປະເທດຊີຣີ ແລະຜູ້ຕາງໜ້າຝ່າຍຕໍ່ຕ້ານຂອງຊີຣີ.
