ບໍລິສັດຊັ້ນນຳທີ່ໃຫ້ບໍລິການດ້ານອິນເຕີເນັດຫົກແຫ່ງຂອງອາເມລິກາຮ່ວມກັນສົ່ງຈົດໝາຍໄປຍັງລັດຖະສະພາ,ເພື່ອຮຽກຮ້ອງໃຫ້ດຳເນີນການປະຕິຮູບຕໍ່ໂຄງການຕິດຕາມຄວບຄຸມ
ວັນທີ 31 ຕຸລາແລ້ວນີ້, ບໍລິສັດຊັ້ນນຳທີ່ໃຫ້ບໍລິການດ້ານອິນເຕີເນັດຫົກແຫ່ງຂອງອາເມລິກາ ຄື, Apple,Google, Microsoft,Yahoo, Facebook ແລະ American Online ໄດ້ຮ່ວມກັນສົ່ງຈົດໝາຍໄປຍັງສະພາສູງ, ເພື່ອຮຽກຮ້ອງໃຫ້ລັດຖະສະພາດຳເນີນການປະຕິຮູບຂະໜາດໃຫຍ່ຕໍ່ໂຄງການຕິດຕາມຄວບຄຸມຂອງລັດຖະບານ, ແລະຮຽກຮ້ອງໃຫ້ລັດຖະບານອາເມລິກາຮ່ວມກັນກັບລັດຖະສະພາ, ດຳເນີນການປະຕິຮູບຂະໜາດໃຫຍ່ຕໍ່ໂຄງການຕິດຕາມຄວບຄຸມ, ຍົກສູງລະດັບຄວາມໂປ່ງໃສ, ເພື່ອສ້າງຄວາມໄວ້ເນື້ອເຊື່ອໃຈຂອງຊາວເນັດທົ່ວໂລກຄືນໃໝ່.
ວັນທີ 14 ຕຸລາແລ້ວນີ້, ສື່ມວນຊົນອາເມລິກາເຜີຍໃຫ້ຮູ້ວ່າ, ໃນຫຼາຍປີມໍ່ໆມານີ້,ກົມຮັກສາຄວາມປອດໄພອາເມລິກາ ຫຼື NSA ໄດ້ເກັບກຳບັນຊີແລະຊື່ທາງເອເລັກໂຕຼນິກຈຳນວນຫຼາຍທີ່ສຸດໂດຍຜ່ານບໍລິສັດຕ່າງໆ ເຊັ່ນ, Google, Microsoft ແລະ Yahoo ເປັນຕົ້ນ. ບໍລິສັດເຫຼົ່ານີ້ລ້ວນແຕ່ກ່າວວ່າ, ບໍ່ຮູ້ໂຄງການເກັບກຳບັນຊີແລະຊື່ທາງເອເລັກໂຕຼນິກຂອງ NSA , ແລະບໍ່ໄດ້ອຳນວຍຄວາມສະດວກໃດໆໃຫ້ແກ່ໂຄງການດັ່ງກ່າວ.
