ການພົບປະສາມຝ່າຍຄັ້ງທໍາອິດກ່ຽວກັບເຫດການຕົວປະກັນທີ່ເກີດຂຶ້ນຢູ່ຟິລິບປິນຍັງບໍ່ທັນໄດ້ບັນລຸຄວາມຮັບຮູ້ທີ່ເປັນເອກະສັນກັນເທື່ອ
ວັນທີ 31 ຕຸລາແລ້ວນີ້, ທ່ານເບີນາດິໂຕ ຊົວ ອາງ, ສະມາຊິກສະພານະຄອນຫລວງມານີລາຂອງຟິລິບປິນໄດ້ຮ່ວມກັບເຈົ້າໜ້າທີ່ພະແນກປ້ອງກັນຄວາມສະຫງົບອໍານາດການປົກຄອງ ເຂດບໍລິຫານພິເສດຮົງກົງຂອງຈີນ ພ້ອມດ້ວຍຄອບຄົວຂອງຜູ້ເສຍຊີວິດແລະຜູ້ຕາງໜ້າຂອງຜູ້ບາດໄດ້ຮັບເຈັບໃນເຫດການຕົວປະກັນ ຢູ່ມານີລາໄດ້ພົບປະເຈລະຈາກັນ. ເຖິງແມ່ນວ່າການພົບປະດັ່ງກ່າວຍັງບໍ່ທັນໄດ້ບັນລຸຄວາມຮັບຮູ້ທີ່ເປັນເອກະສັນກັນກໍຕາມ, ແຕ່ໃນມື້ດຽວກັນ, ມັງສາມຝ່າຍກໍໄດ້ອອກຖະແຫລງການຮ່ວມໂດຍຊີ້ອອກວ່າ "ການປຶກສາຫາລືກັນມີຜົນດີຕໍ່ການຮັດແຄບຂໍ້ຂັດແຍ້ງ".
ທ່ານຖູຈິນເຊິ່ນ, ສະມາຊິກສະພານິຕິບັນຍັດເຂດບໍລິຫານພິເສດຮົງກົງຈີນກ່າວວ່າ, ວັນທີ 6 ພະຈິກນີ້, ສະພານິຕິບັນຍັດເຂດບໍລິຫານພິເສດຮົງກົງຈີນຈະສືບຕໍ່ປຶກສາຫາລືການລົງໂທດດ້ານເສດຖະກິດຕໍ່ຟິລິບປິນ. ມີສະມາຊິກສະພາສະເໜີຂຶ້ນມາວ່າ ຈະຍົກເລີກການຍົກເວັ້ນວິຊາການເຂົ້າຮົງກົງຂອງຄົນຟິລິບປິນ ແລະຈໍາກັດວິຊາເຮັດວຽກນອກຈາກແມ່ເຮືອນແລະວິຊາດ້ານການຄ້າຕໍ່ຟິລິບປິນຕື່ມອີກ.
