ກະຊວງປ້ອງກັນປະເທດອາເມລິກາປະຕິເສດບໍ່ຮັບຮອງອາເມລິກາກັບຍີ່ປຸ່ນສ້າງແຜນການປ້ອງກັນເກາະຕ້ຽວອີ
ວັນທີ 1 ພະຈິກນີ້, ກະຊວງປ້ອງກັນປະເທດອາເມລິກາກ່າວວ່າ, ຂ່າວກ່ຽວກັບຍີ່ປຸ່ນ ກັບ ອາເມລິກາໄດ້ສ້າງແຜນການຮ່ວມກັນປ້ອງກັນເກາະຕ້ຽວອີທີ່ສື່ມວນຊົນຍີ່ປຸ່ນລາຍງານໃນຫວ່າງມໍ່ໆນີ້ບໍ່ຖືກຕ້ອງ, ພ້ອມທັງກາວຢ້ຳວ່າ, ຫຼັກໝັ້ນຕໍ່ເກາະຕ້ຽວອີຂອງຝ່າຍອາເມລິກາບໍ່ໄດ້ປ່ຽນແປງ.
ໃນເວລາຕອບຄຳຖາມທີ່ເປັນລາຍລັກອັກສອນຂອງສື່ມວນຊົນຈີນປະຈຳອາເມລິກາ, ທ່ານເກເຟິລີ ພົວຣ໌ ເຈົ້າໜ້າທີ່ວຽກງານສາທາລະນະຂອງຫ້ອງການລັດຖະມົນຕີປ້ອງກັນປະເທດອາເມລິກາກ່າວວ່າ, ອາເມລິກາສົ່ງເສີມຈີນ ກັບ ຍີ່ປຸ່ນແກ້ໄຂຂໍ້ຂັດແຍ່ງດ້ວຍສັນຕິວິທີ, ຫຼີກເວັ້ນບໍ່ໃຊ້ການກະທຳທີ່ເຮັດໃຫ້ສະຖານະການ ເຄັ່ງຕຶງຂຶ້ນ, ພ້ອມທັງປ້ອງກັນບໍ່ໃຫ້ມີວິນິໄສຜິດທີ່ອາດຈະທຳລາຍສັນຕິພາບ, ຄວາມໝັ້ນຄົງ ແລະ ການເຕີບໂຕເສດຖະກິດຂອງພາກພື້ນ.
