ການທາວເອົາກັບດຳຂອງຍົນໂດຍສານການບິນລາວທີ່ຕົກຢູ່ແມ່ນ້ຳຂອງ
(GMT+08:00) 2013-11-03 15:22:28 cri
ວັນທີ 2 ພະຈິກນີ້, ທ່ານຢາກົວ ລໍປາງກາວ ຫົວຫນ້າກົມການບິນພົນລະເຮືອນລາວໄດ້ແຈ້ງໃຫ້ນັກຂ່າວຊາບວ່າ, ກັບດຳສອງຫນ່ວຍຂອງຍົນໂດຍສານການບິນລາວທີ່ຕົກໃນວັນທີ 16 ຕຸລາແລ້ວນີ້ໄດ້ຖືກທາວອອກຈາກນ້ຳຂອງແລ້ວ.
ທ່ານກ່າວວ່າ, ຍົນໂດຍສານ ATR-72 ທີ່ເກີດເຫດນັ້ນມີກັບດຳສອງຫນ່ວຍ, ຫລັງຈາກໄດ້ທາວເອົາຫນ່ວຍທຳອິດທີ່ບັນທຶກຂໍ້ມູນການບິນໃນວັນທີ 30 ຕຸລາແລ້ວນີ້, ໃນວັນທີ 1 ພະຈິກນີ້, ກໍ່ໄດ້ທາວເອົາກັບດຳຫນ່ວຍທີສອງອອກມາ, ເຊິ່ງກັບດຳຫນ່ວຍນີ້ໄດ້ບັນທຸກຂໍ້ມູນຕ່າງໆທາງດ້ານໂທລະຄົມ, ການອັດສຽງຕ່າງໆຢູ່ເທິງຍົນ.
ທ່ານແນະນຳວ່າ, ບໍລິສັດຜະລິດຍົນຂອງຝຣັ່ງແລະພາກສ່ວນສືບສວນ ເຫດການຍົນຕົກຂອງຝຣັ່ງຈະນຳເອົາກັບດຳສອງຫນ່ວຍນີ້ກັບຄືນປະເທດຝຣັ່ງເພື່ອດຳເນີນການວິເຄາະ, ບົດລາຍງານການວິເຄາະຂໍ້ມູນຂອງກັບດຳທີ່ຄົບຖ້ວນນັ້ນຕ້ອງການເວລາປະມານ 1 ເດືອນຈິ່ງຈະສຳເລັດໄດ້.
