ໃນ5ປີມໍ່ໆມານີ້,ການເງິນສູນກາງຈີນໃຊ້ງົບປະມານ11ຕື້ຢວນເຂົ້າໃນພາລະກິດຄົນພິການ
ໃນກອງປະຊຸມສຳມະນາຮັບປະກັນສິດແລະຜົນປະໂຫຍດ ແລະ ການບໍລິການສາທາລະນະຄົນພິການປີ 2013 ທີ່ຈັດຂຶ້ນໃນວັນທີ 2 ພະຈິກນີ້, ທ່ານຊີງໄຂ ຮອງປະທານສະຫະພັນຄົນພິການຈີນບອກໃຫ້ຮູ້ວ່າ, ໃນ 5 ປີມໍ່ໆມານີ້, ການເງິນສູນກາງຈີນໃຊ້ງົບປະມານ11ຕື້ຢວນເຂົ້າໃນພາລະກິດຄົນພິການ, ໄດ້ຊຸກຍູ້ວຽກງານຮັບປະກັນສິດ ແລະ ຜົນປະໂຫຍດຂອງຄົນພິການໃຫ້ຂະຫຍາຍຕົວຢ່າງແຂງແຮງ.
ຂ່າວແຈ້ງວ່າ, ໃນ 5 ປີຂ້າງໜ້າ, ການເງິນສູນກາງຈີນຍັງຈະສືບຕໍ່ອອກແຮງສະໜັບສະໜູນການສ້າງສາອຸປະກອນຮັບໃຊ້ຄົນພິການ. ຈຸດໜັກລວມທັງສ້າງເຄືອຂ່າຍຮັບປະກັນຄວາມປອດໄພຂັ້ນພື້ນຖານຕໍ່ຄົນພິການ, ບູລະນະລະບົບບໍລິການສາທາລະນະຄົນພິການໃຫ້ສົມບູນຂຶ້ນ, ເພິ່ມທະວີຄວາມສາມາດພັດທະນາໂດຍຕົນເອງຂອງຄົນພິການ, ຮັບປະກັນສິດເຂົ້າຮ່ວມຢ່າງສະເໝີພາບ ແລະ ໂອກາດພັດທະນາອັນສະເໝີພາບຂອງຄົນພິການເປັນຕົ້ນ.
