ມະເລເຊຍຮຽກຮ້ອງໃຫ້ອາເມລິກາຈົ່ງ "ອະທິບາຍຢ່າງຮອບດ້ານ" ຕໍ່ການຕິດຕາມລັກຟັງມະເລເຊຍຂອງຕົນ
ວັນທີ 3 ພະຈິກນີ້, ທ່ານຮີຊຳມູດິນ ຮູເຊອິນ, ລັດຖະມົນຕີວ່າການກະຊວງປ້ອງກັນປະເທດມະເລເຊຍ ກ່າວວ່າ: ການດຳເນີນການຕິດຕາມລັກຟັງມະເລເຊຍຈະກະທົບເຖິງການພົວພັນລະຫວ່າງປະເທດທີ່ກ່ຽວຂ້ອງກັບມະເລເຊຍຢ່າງແນ່ນອນ, ທ່ານຮຽກຮ້ອງໃຫ້ມີການອະທິບາຍຢ່າງຮອບດ້ານແລະຄົບຖ້ວນຕໍ່ການຕິດຕາມລັກຟັງດັ່ງກ່າວ.
ຫວ່າງມໍ່ໆມານີ້, ມະເລເຊຍໄດ້ຮຽກເຈົ້າໜ້າທີ່ສະຖານທູດອາເມລິກາແລະອົສຕຼາລີປະຈຳມະເລເຊຍເຂົ້າພົບ, ເພື່ອປະທ້ວງຕໍ່ອົງການທີ່ກ່ຽວຂ້ອງຂອງສອງປະເທດນີ້ທີ່ໄດ້ຕິດຕາມລັກຟັງມະເລເຊຍ. ສື່ມວນຊົນມະເລເຊຍລາຍງານວ່າ: ເອກອັກຄະລັດຖະທູດອາເມລິກາປະຈຳມະເລເຊຍໄດ້ທຳການອະທິບາຍທີ່ກ່ຽວຂ້ອງຕໍ່ຝ່າຍມະເລເຊຍແລ້ວ, ແຕ່ຝ່າຍມະເລເຊຍສະແດງຄວາມບໍ່ພໍໃຈຕໍ່ການອະທິບາຍໃນຂໍ້ອ້າງທີ່ວ່າການຕິດຕາມລັກຟັງແມ່ນເພື່ອຕ້ານລັດທິກໍ່ການຮ້າຍ.
