ພິທີມອບຮັບຮູບຫຼໍ່ຜູ້ນຳຂອງການປະຕິວັດລາວຮຸ່ນທຳອິດ
(GMT+08:00) 2013-11-04 16:31:43 cri
ພິທີມອບຮັບຮູບຫຼໍ່ຜູ້ນຳຂອງການປະຕິວັດລາວຮຸ່ນທຳອິດ
ຕອນເຊົ້າວັນທີ4ພະຈິກນີ້ຢູ່ທີ່ຫໍພິພິທະພັນໄກສອນ ພົມວິຫານທີ່ນະຄອນຫຼວງວຽງຈັນ,ໄດ້ຈັດພິທີມອບຮັບຮູບຫຼໍ່7ທ່ານ. ຕາງໜ້າລັດຖະບານຈີນກ່າວມອບໂດຍສະຫາຍຮູແຢຍຊິນ, ຫົວໜ້າສູນພົວພັນເສດຖະກິດຄະນະພົວພັນຕ່າງປະເທດສູນກາງພັກຄອມມູນິດຈີນ,ໂດຍໃຫ້ກຽດເຂົ້າຮ່ວມມີສະຫາຍກ່ວນຮວາປີງ, ເອກອັກຄະລັດຖະທູດຈີນປະຈຳລາວ. ຕາງໜ້າສປປລາວກ່າວຮັບໂດຍແມ່ນທ່ານສະຫາຍສຸວັນດີ ສີສະຫວັດ,ຮອງຫົວໜ້າຫ້ອງວ່າການສູນກາງພັກ,ຫົວໜ້າຄະນະຮັບຜິດຊອບຫໍພິພິທະພັນໄກສອນ ພົມວິຫານ, ເປັນກຽດເຂົ້າຮ່ວມເປັນສັກຂີພິຍານໂດຍແມ່ນສະຫາຍນາງປານີ ຢາທໍຊ່ຕູ້, ກຳມະການກົມການເມືອງສູນກາງພັກ, ປະທານສະພາແຫ່ງຊາດລາຍ,ສະຫາຍສຸກັນ ມະຫາລາດ,ກຳມະການສູນກາງພັກ, ຄະນະເລຂາທິການສູນກາງພັກ, ເຈົ້າຄອງນະຄອນຫຼວງວຽງຈັນ,ນອກນີ້ຍັງມີຄອບຄົວລູກຫຼານຂອງບັນດາການນຳ7ທ່ານ, ແລະຜູ້ຕາງໜ້າພາກສ່ວນຕ່າງໆທີ່ກ່ຽວຂ້ອງຢ່າງພ້ອມພຽງ.
ຮູບຫຼໍ່ການນຳ7ທ່ານນີ້ຄື:ທ່ານໜູກຮັກ ພູມສະຫວັນ,ທ່ານພູມີ ວົງວິຈິດ,ທ່ານພູນ ສີປະເສີດ,ທ່ານສີສົມພອນ ລໍວັນໄຊ, ທ່ານສີທົນ ກົມມະດຳ,ທ່ານໄຟດ່າງ ລໍເບຼຍຢາວ,ແລະທ່ານຕູ້ຢາ ໄຊຈູ.
ພາຍຫຼັງພິທີມອບຮັບແລ້ວ,ສຳລັບຮູບຫຼໍ່2ສະຫາຍຄື:ສະຫາຍໜູຮັກ ພູມສະຫວັນແລະສະຫາຍສີທົນ ກົມມະດຳໄດ້ມີການເຄື່ອນຍ້າຍແຫ່ໄປສະຖິດໄວ້ຢູ່ແຂວງສະຫວັນນະເຂດແລະແຂວງຈຳປາສັກເຊິ່ງເປັນບ້ານເກີດເມືອງນອນຂອງພວກເພິ່ນເພື່ອເປັນການສະແດງເຖິງຄວາມກະຕັນຍູຮູບບຸນຄູນທີ່ບໍ່ມີວັນລືມໄດ້, ເພື່ອໃຫ້ພໍ່ແມ່ປະຊາຊົນລາວບັນດາເຜົ່າເຂົ້າຮ່ຳຮຽນເອົາຄຸນສົມບັດສິນທຳປະຕິວັດແລະແບບແຜນດຳລົງຊີວິດອັນເປັນແບບຢ່າງ,ພ້ອມກັນເສີມຂະຫຍາຍມູນເຊື້ອສາມັກຄີ, ນ້ຳໃຈເສຍສະຫຼະອັນສູງສົ່ງບໍລິສຸດຜຸດຜ່ອງຂອງບັນດາການນຳປະຕິວັດທັງ7ທ່ານ.
