ຄະນະຜູ້ແທນສັບປະດາສີລະປະກຳ"ຈີນປັດຈຸບັນ"ຢ້ຽມຢາມກະຊວງວັດທະນະທຳແລະສີລະປະ ກຳປູເຈຍ
ຕາມຂ່າວCRI: ກິດຈະກຳຕ່າງໆຂອງສັບປະດາສີລະປະກຳ "ຈີນປັດຈຸບັນ" 2013 ທີ່ສະຫະພັນວົງການວັນນະຄະດີສີລະປະຈີນ, ກະຊວງວັດທະນະທຳແລະສີລະປະກຳປູເຈຍແລະສະຖານ ທູດຈີນປະຈໍາກຳປູເຈຍເປັນເຈົ້າພາບຮ່ວມກັນໄດ້ຈັດຂຶ້ນຢູ່ກຳປູເຈຍແຕ່ວັນທີ4ຫາວັນທີ8ພະຈິກນີ້. ນັກສິນລະປິນຈີນໄດ້ເດີນທາງຈາກໄທຮອດນະຄອນຫຼວງພະນົມເປັນຂອງກຳປູເຈຍໃນຕອນຄ່ຳວັນທີ3ພະຈິກນີ້, ແລະໄດ້ຢ້ຽມຢາມກະຊວງວັດທະນະທຳແລະສີລະປະກຳປູເຈຍໃນຕອນເຊົ້າວັນທີ4ພະຈິກນີ້.
ທ່ານນາງເພື້ອງ ສັກກູນ, ລັດຖະມົນຕີວ່າການກະຊວງວັດທະນະທຳແລະສີລະປະກຳປູເຈຍໄດ້ສະແດງຄວາມຍິນດີຕ້ອນຮັບຢ່າງສຸດອົກສຸດໃຈຕໍ່ການຢ້ຽມຢາມຂອງຄະນະຜູ້ແທນສັບປະດາສີລະປະກຳ "ຈີນປັດຈຸບັນ". ນາງກ່າວວ່າ, ການຢ້ຽມຢາມຂອງຄະນະຜູ້ແທນສັບປະດາສີລະປະກຳ "ຈີນປັດຈຸບັນ" ຂອງຈີນຄັ້ງນີ້ແມ່ນເພື່ອສະເຫຼີມສະຫຼອງປີໄມຕີຈິດຈີນກຳປູເຈຍແລະການສ້າງຕັ້ງສາຍພົວພັນທາງການທູດລະຫວ່າງຈີນກັບກຳປູເຈຍຄົບຮອບ55ປີ, ແມ່ນໜຶ່ງໃນກິດຈະກຳສຳຄັນຕ່າງໆໃນດ້ານວັດທະນະທຳແລະສີລະປະກຳຂອງການສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ ລະຫວ່າງຈີນກັບກຳປູເຈຍ, ກໍ່ແມ່ນຜົນງານດ້ານວັດທະນະທຳແລະການແລກປ່ຽນການຮ່ວມມືລະຫວ່າງສອງປະເທດ. ນາງເພື້ອງສັກກູນາໄດ້ອວຍພອນໃຫ້ກິດຈະກຳສັບປະດາສີລະປະກຳ "ຈີນປັດຈຸບັນ" ຄັ້ງນີ້ຈົ່ງຮັບຜົນສຳເລັດຢູ່ກຳປູເຈຍ.
