ຄະນະນັກກິລາມວຍຈີນຂອງຈີນໄດ້ສະແດງຜົນງານອັນດີເດັ່ນໃນການແຂ່ງຂັນຊິງແຊມໂລກມວຍຈີນຢູ່ມາເລເຊຍ
ວັນທີ 3 ພະຈິກນີ້, ມື້ທີ 3 ຂອງການແຂ່ງຂັນຊິງແຊມໂລກມວຍຈີນຄັ້ງທີ 12 ທີ່ຈັດຂຶ້ນຢູ່ນະຄອນຫລວງກົວລາລໍາເປີຂອງມາເລເຊຍໄດ້ສິ້ນສຸດລົງແລ້ວ, ຮອດເວລານັ້ນ, ການແຂ່ງຂັນຊິງແຊມໂລກມວຍຈີນຄັ້ງນີ້ໄດ້ດໍາເນີນໄປຫລາຍກວ່າເຄິ່ງໜຶ່ງແລ້ວ, ຄະນະນັກກິລາຂອງຈີນໄດ້ສະແດງຜົນງານອັນດີເດັ່ນໃນສອງລາຍການໃຫຍ່ ຄືການຊົກກະຕິກາທີ່ໄດ້ກໍານົດໄວ້ແລະການຊົກທ່າເສລີ, ໃນການແຂ່ງຂັນຄັ້ງນີ້ນັກກິລາຈີນລ້ວນແຕ່ຊະນະທັງໝົດ.
ມາຮອດປັດຈຸບັນນີ້, ໃນ 30 ລາຍການຂອງການແຂ່ງຂັນ , ມີ 20 ລາຍການໄດ້ສິ້ນສຸດລົງແລ້ວ. ນັກກິລາ 8 ຄົນຂອງຄະນະນັກກິລາຂອງຈີນໄດ້ເຂົ້າຮ່ວມການແຂ່ງຂັນຂອງ 8 ລາຍການ ແລະໄດ້ຮັບ 8 ຫລຽນຄໍາທັງໝົດ. ນັກກິລາຂອງຈີນລ້ວນແຕ່ໄດ້ເຂົ້າໄປເຖິງຮອບຮອງຊະນະເລີດໃນ 5 ລະດັບຂອງກຸ່ມຊາຍ ແລະ 3 ລະດັບຂອງກຸ່ມຍິງໃນການແຂ່ງຂັນມວຍຈີນທ່າເສລີ.
ການແຂ່ງຂັນຊິງແຊມໂລກມວຍຈີນຄັ້ງທີ 12 ນີ້ຈະດໍາເນີນໄປເປັນເວລາ 5 ມື້, ຈະອັດລົງໃນວັນທີ 5 ພະຈິກນີ້. ການແຂ່ງຂັນລວມມີ 2 ລາຍການໃຫຍ່ຄື ການແຂ່ງຂັນຕາມກະຕິກາທີ່ໄດ້ ກໍານົດໄວ້ແລະການແຂ່ງຂັນທ່າເສລີໂດຍໄດ້ຊິງໄຊທັງໝົດ 48 ຫລຽນຄໍາ.
