ນາຍົກຈີນກ່າວເນັ້ນວ່າ: ວິເຄາະບັນຫາຢ່າງມີວິທະຍາສາດແລະກຳແໜ້ນທ່າຂະຫຍາຍຕົວ, ຊຸກຍູ້ເສດຖະກິດໃຫ້ພັດທະນາຢ່າງຕໍ່ເນື່ອງແລະປອດໄສດ້ວຍການປະຕິຮູບແລະການປະດິດສ້າງ
(GMT+08:00) 2013-11-04 16:37:08 cri
ວັນທີ 31 ຕຸລາແລ້ວນີ້ ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີຈີນໄດ້ເປັນປະທານກອງປະຊຸມສົນທະນາສະພາບການດ້ານເສດຖະກິດ, ເພື່ອຮັບຟັງຄວາມຄິດຄວາມເຫັນແລະຂໍ້ສະເໜີຂອງຜູ້ຊ່ຽວຊານ, ນັກວິຊາການແລະຜູ້ຮັບຜິດຊອບວິສາຫະກິດຕໍ່ວຽກງານເສດຖະກິດໃນຕໍ່ໜ້າ.
ໃນເວລາສົນທະນາ, ທ່ານຫຼີເຄີ້ສຽງຊີ້ອອກວ່າ, ພາຍໃຕ້ສະພາບການທີ່ສັບສົນ, ຈະເຮັດແນວໃດເພື່ອວິເຄາະບັນຫາແລະກຳທ່ວງທ່າຂະຫຍາຍຢ່າງຖືກຕ້ອງ ແລະ ກຳນົດເປົ້າໝາຍພັດທະນາແລະນະໂຍບາຍທາງດ້ານເສດຖະກິດຢ່າງສົມເຫດສົມຜົນນັ້ນ ຕ້ອງເສີມຂະຫຍາຍປະຊາທິປະໄຕ, ຮັບຟັງຄວາມເຫັນຂອງຝ່າຍຕ່າງໆຢ່າງກວ້າງຂວາງ, ແລ້ວຈຶ່ງສາມາດຈັດວາງນະໂຍບາຍຢ່າງມີວິທະຍາສາດ. ປັດຈຸບັນ ເສດຖະກິດຂອງຈີນໄດ້ເຂົ້າສູ່ໄລຍະພັດທະນາອັນໃໝ່, ການທີ່ຮັກສາການເຕີບໂຕດ້ວຍຈັງຫວະໄວຄືແຕ່ກ່ອນນັ້ນແມ່ນເລື່ອງທີ່ບໍ່ຕິດແທດຕົວຈິງ, ແຕ່ການພັດທະນາແມ່ນພື້ນຖານໃນການແກ້ໄຂທຸກບັນຫາ. ໃນຖານະທີ່ເປັນປະເທດໃຫຍ່ທີ່ມີພົນລະເມືອງ 1 ຕື້ 300 ລ້ານຄົນ, ຖ້າບໍ່ມີຈັງຫວະການພັດທະນາໃດໜຶ່ງແລ້ວ, ຫຼາຍບັນຫາແລະຄວາມຫຍຸ້ງຍາກ ໂດຍສະເພາະບັນຫາການຮັກສາອັດຕາການປະກອບອາຊີບ ແມ່ນແກ້ໄຂຍາກ. ສະນັ້ນ ລັດຖະບານຈີນຕ້ອງໄດ້ຊອກຫາ"ຈຸດດຸນດ່ຽງຄຳ"ລະຫວ່າງຄວາມຈຳເປັນກັບຄວາມອາດເປັນໄປໄດ້, ແລະລະຫວ່າງການປ່ຽນແປງຮູບການແລະຍົກລະດັບການພັດທະນາກັບການຮັກສາຈັງຫວະເຕີບໂຕທີ່ສົມເຫດສົມຜົນ, ເຮັດໃຫ້ເສດຖະກິດຈີນພັດທະນາຢ່າງໜັກແໜ້ນແລະຍາວນານ.
ທ່ານຫຼີເຄີ້ສຽງກ່າວເນັ້ນວ່າ, ຖ້າຢາກບັນລຸການພັດທະນາຢ່າງໝັ້ນທ່ຽງ, ປັບປຸງອົງປະກອບເສດຖະກິດ ແລະ ຊຸກຍູ້ການຫັນປ່ຽນຮູບການພັດທະນາ, ເວົ້າເຖິງກົກເຖິງຮາກແລ້ວ ແມ່ນຕ້ອງອາໄສການປະຕິຮູບກ້າວສູ່ລວງເລິກຢ່າງຮອບດ້ານ. ຖ້າບໍ່ປະຕິຮູບກໍ່ຈະບໍ່ມີທາງອອກແນວອື່ນ. ເພື່ອຜົນປະໂຫຍດພື້ນຖານຂອງປະຊາຊົນທຸກຖ້ວນໜ້າແລະເພື່ອພັດທະນາເສດຖະກິດຢ່າງຕໍ່ເນື່ອງແລະປອດໄສ, ຈີນຈະຫຼັ່ງເລໃຈບໍ່ໄດ້, ຕ້ອງໄດ້ບຸກບືນກ້າວໜ້າ, ທຳລາຍສະຖານະການຜົນປະໂຫຍດຂອງບຸກຄົນທີ່ມີມາແລ້ວຢ່າງກ້າຫານ, ຊຸກຍູ້ການປະຕິຮູບລາຍຕ່າງໆຢ່າງເດັດດ່ຽວແລະຄ່ອຍເປັນຄ່ອຍໄປ.
ໃນເວລາສົນທະນາ, ທ່ານຫຼີເຄີ້ສຽງຊີ້ອອກວ່າ, ພາຍໃຕ້ສະພາບການທີ່ສັບສົນ, ຈະເຮັດແນວໃດເພື່ອວິເຄາະບັນຫາແລະກຳທ່ວງທ່າຂະຫຍາຍຢ່າງຖືກຕ້ອງ ແລະ ກຳນົດເປົ້າໝາຍພັດທະນາແລະນະໂຍບາຍທາງດ້ານເສດຖະກິດຢ່າງສົມເຫດສົມຜົນນັ້ນ ຕ້ອງເສີມຂະຫຍາຍປະຊາທິປະໄຕ, ຮັບຟັງຄວາມເຫັນຂອງຝ່າຍຕ່າງໆຢ່າງກວ້າງຂວາງ, ແລ້ວຈຶ່ງສາມາດຈັດວາງນະໂຍບາຍຢ່າງມີວິທະຍາສາດ. ປັດຈຸບັນ ເສດຖະກິດຂອງຈີນໄດ້ເຂົ້າສູ່ໄລຍະພັດທະນາອັນໃໝ່, ການທີ່ຮັກສາການເຕີບໂຕດ້ວຍຈັງຫວະໄວຄືແຕ່ກ່ອນນັ້ນແມ່ນເລື່ອງທີ່ບໍ່ຕິດແທດຕົວຈິງ, ແຕ່ການພັດທະນາແມ່ນພື້ນຖານໃນການແກ້ໄຂທຸກບັນຫາ. ໃນຖານະທີ່ເປັນປະເທດໃຫຍ່ທີ່ມີພົນລະເມືອງ 1 ຕື້ 300 ລ້ານຄົນ, ຖ້າບໍ່ມີຈັງຫວະການພັດທະນາໃດໜຶ່ງແລ້ວ, ຫຼາຍບັນຫາແລະຄວາມຫຍຸ້ງຍາກ ໂດຍສະເພາະບັນຫາການຮັກສາອັດຕາການປະກອບອາຊີບ ແມ່ນແກ້ໄຂຍາກ. ສະນັ້ນ ລັດຖະບານຈີນຕ້ອງໄດ້ຊອກຫາ"ຈຸດດຸນດ່ຽງຄຳ"ລະຫວ່າງຄວາມຈຳເປັນກັບຄວາມອາດເປັນໄປໄດ້, ແລະລະຫວ່າງການປ່ຽນແປງຮູບການແລະຍົກລະດັບການພັດທະນາກັບການຮັກສາຈັງຫວະເຕີບໂຕທີ່ສົມເຫດສົມຜົນ, ເຮັດໃຫ້ເສດຖະກິດຈີນພັດທະນາຢ່າງໜັກແໜ້ນແລະຍາວນານ.
ທ່ານຫຼີເຄີ້ສຽງກ່າວເນັ້ນວ່າ, ຖ້າຢາກບັນລຸການພັດທະນາຢ່າງໝັ້ນທ່ຽງ, ປັບປຸງອົງປະກອບເສດຖະກິດ ແລະ ຊຸກຍູ້ການຫັນປ່ຽນຮູບການພັດທະນາ, ເວົ້າເຖິງກົກເຖິງຮາກແລ້ວ ແມ່ນຕ້ອງອາໄສການປະຕິຮູບກ້າວສູ່ລວງເລິກຢ່າງຮອບດ້ານ. ຖ້າບໍ່ປະຕິຮູບກໍ່ຈະບໍ່ມີທາງອອກແນວອື່ນ. ເພື່ອຜົນປະໂຫຍດພື້ນຖານຂອງປະຊາຊົນທຸກຖ້ວນໜ້າແລະເພື່ອພັດທະນາເສດຖະກິດຢ່າງຕໍ່ເນື່ອງແລະປອດໄສ, ຈີນຈະຫຼັ່ງເລໃຈບໍ່ໄດ້, ຕ້ອງໄດ້ບຸກບືນກ້າວໜ້າ, ທຳລາຍສະຖານະການຜົນປະໂຫຍດຂອງບຸກຄົນທີ່ມີມາແລ້ວຢ່າງກ້າຫານ, ຊຸກຍູ້ການປະຕິຮູບລາຍຕ່າງໆຢ່າງເດັດດ່ຽວແລະຄ່ອຍເປັນຄ່ອຍໄປ.
