ປະທານາທິບໍດີຣັດເຊຍຈະເດີນທາງໄປຢ້ຽມຢາມຫວຽດນາມພໍດີກັບເວລາການຈັດພິທີຣັດເຊຍມອບເຮືອດຳນ້ຳລຳທຳອິດໃຫ້ຫວຽດນາມ
(GMT+08:00) 2013-11-05 16:05:58 cri
ຕາມຂ່າວCRI: ໂດຍຕອບສະໜອງຕາມຄຳເຊີນຂອງທ່ານເຈືອງເຕິນຊາງ, ປະທານປະເທດຫວຽດນາມ, ທ່ານວາລາດິເມຍ ປູຕິນ, ປະທານາທິບໍດີຣັດເຊຍຈະເດີນທາງໄປຢຽມຢາມຫວຽດນາມໃນວັນທີ12ພະຈິກນີ້, ເພື່ອຊຸກຍູ້ການຮ່ວມມືຍຸດທະສາດຮອບດ້ານລະຫວ່າງຣັດເຊຍກັບຫວຽດນາມຕື່ມອີກ.
ກະຊວງການຕ່າງປະເທດຫວຽດນາມໄດ້ຖະແຫຼງຂ່າວດັ່ງກ່າວໃນຫວ່າງກ່ອນນີ້ບໍ່ດົນ, ແລະໄດ້ຊີ້ອອກວ່ານີ້ແມ່ນການຢ້ຽມຢາມຫວຽດນາມຄັ້ງທີ3ຂອງທ່ານວາລາດິເມຍ ປູຕິນ. ໃນຊຸມປີມໍ່ໆມານີ້, ການພົວພັນລະຫວ່າງຫວຽດນາມກັບຣັດເຊຍໄດ້ຮັບການພັດທະນາໃຫ້ນັບມື້ນັບເລິກເຊິ່ງກວ່າເກົ່າ, ການຢ້ຽມຢາມເຊິ່ງກັນແລະກັນລະຫວ່າງການນຳຂັ້ນສູງຂອງສອງປະເທດໄດ້ມີຂຶ້ນເປັນປະຈຳ, ສອງຝ່າຍຍິນດີຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຕື່ມອີກ. ຖະແຫຼງຂ່າວຊີ້ອອກວ່າ, ຣັດເຊຍກັບຫວຽດນາມໄດ້ນຳໃຊ້ກົນໄກການຕ່າງປະເທດເປັນປະຈຳ, ການສົນທະນາທາງຍຸດທະສາດດ້ານການປ້ອງກັນປະເທດແລະຄວາມໝັ້ນຄົງຢ່າງມີປະສິດທິຜົນ, ຮັກສາກົນໄກການປຶກສາຫາລືທາງການເມືອງຕາມເວລາກຳນົດລະຫວ່າງກະຊວງການຕ່າງປະເທດຂອງສອງປະເທດແລະການປະສານງານແລະການຮ່ວມມືຢ່າງແໜ້ນແຟ້ນໃນເວທີສາກົນແລະພາກພື້ນ, ໃນຂົງເຂດການຮ່ວມມືດ້ານວິທະຍາສາດເຕັກນິກແລະການສຶກສາລະຫວ່າງສອງປະເທດກໍ່ຖືກຍົກລະດັບຂຶ້ນເປັນການພົວພັນຍຸດທະສາດ. ໃນປີ2012ຜ່ານມານີ້ຍອດມູນຄ່າການຄ້າສອງຝ່າຍລະຫວ່າງຫວຽດນາມກັບຣັດເຊຍໄດ້ບັນລຸ 3 ຕື້ 700 ລ້ານໂດລາ, ມູນຄ່າການຄ້າສອງຝ່າຍໃນ 8 ເດືອນຕົ້ນປີນີ້ບັນລຸປະມານ 1 ຕື້ 900ລ້ານໂດລາ.
ໃນປີ2009ຫວຽດນາມກັບຣັດເຊຍໄດ້ເຊັນສັນຍາໃນການຈັດຊື້ເຮືອດຳນ້ຳ, ການຢ້ຽມຢາມຫວຽດນາມຄັ້ງນີ້ຂອງທ່ານວາລາດິເມຍ ປູຕິນພໍດີກັບເວລາການຈັດພິທີມອບເຮືອດຳນ້ຳລຳທຳອິດລະຫວ່າງສອງຝ່າຍ, ເຊິ່ງໄດ້ຮັບຄວາມສົນໃຈຈາກວົງການຕ່າງໆຢ່າງກວ້າງຂວາງ.
ກະຊວງການຕ່າງປະເທດຫວຽດນາມໄດ້ຖະແຫຼງຂ່າວດັ່ງກ່າວໃນຫວ່າງກ່ອນນີ້ບໍ່ດົນ, ແລະໄດ້ຊີ້ອອກວ່ານີ້ແມ່ນການຢ້ຽມຢາມຫວຽດນາມຄັ້ງທີ3ຂອງທ່ານວາລາດິເມຍ ປູຕິນ. ໃນຊຸມປີມໍ່ໆມານີ້, ການພົວພັນລະຫວ່າງຫວຽດນາມກັບຣັດເຊຍໄດ້ຮັບການພັດທະນາໃຫ້ນັບມື້ນັບເລິກເຊິ່ງກວ່າເກົ່າ, ການຢ້ຽມຢາມເຊິ່ງກັນແລະກັນລະຫວ່າງການນຳຂັ້ນສູງຂອງສອງປະເທດໄດ້ມີຂຶ້ນເປັນປະຈຳ, ສອງຝ່າຍຍິນດີຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຕື່ມອີກ. ຖະແຫຼງຂ່າວຊີ້ອອກວ່າ, ຣັດເຊຍກັບຫວຽດນາມໄດ້ນຳໃຊ້ກົນໄກການຕ່າງປະເທດເປັນປະຈຳ, ການສົນທະນາທາງຍຸດທະສາດດ້ານການປ້ອງກັນປະເທດແລະຄວາມໝັ້ນຄົງຢ່າງມີປະສິດທິຜົນ, ຮັກສາກົນໄກການປຶກສາຫາລືທາງການເມືອງຕາມເວລາກຳນົດລະຫວ່າງກະຊວງການຕ່າງປະເທດຂອງສອງປະເທດແລະການປະສານງານແລະການຮ່ວມມືຢ່າງແໜ້ນແຟ້ນໃນເວທີສາກົນແລະພາກພື້ນ, ໃນຂົງເຂດການຮ່ວມມືດ້ານວິທະຍາສາດເຕັກນິກແລະການສຶກສາລະຫວ່າງສອງປະເທດກໍ່ຖືກຍົກລະດັບຂຶ້ນເປັນການພົວພັນຍຸດທະສາດ. ໃນປີ2012ຜ່ານມານີ້ຍອດມູນຄ່າການຄ້າສອງຝ່າຍລະຫວ່າງຫວຽດນາມກັບຣັດເຊຍໄດ້ບັນລຸ 3 ຕື້ 700 ລ້ານໂດລາ, ມູນຄ່າການຄ້າສອງຝ່າຍໃນ 8 ເດືອນຕົ້ນປີນີ້ບັນລຸປະມານ 1 ຕື້ 900ລ້ານໂດລາ.
ໃນປີ2009ຫວຽດນາມກັບຣັດເຊຍໄດ້ເຊັນສັນຍາໃນການຈັດຊື້ເຮືອດຳນ້ຳ, ການຢ້ຽມຢາມຫວຽດນາມຄັ້ງນີ້ຂອງທ່ານວາລາດິເມຍ ປູຕິນພໍດີກັບເວລາການຈັດພິທີມອບເຮືອດຳນ້ຳລຳທຳອິດລະຫວ່າງສອງຝ່າຍ, ເຊິ່ງໄດ້ຮັບຄວາມສົນໃຈຈາກວົງການຕ່າງໆຢ່າງກວ້າງຂວາງ.
