ມະເລເຊຍກ່າວປະທ້ວງການຕິດຕາມລັກຟັງຂອງອາເມລິກາແລະອົສຕຼາລີ
(GMT+08:00) 2013-11-06 11:03:45 cri
ວັນທີ 5 ພະຈິກນີ້, ທ່ານນາຈິບ ຕຸນ ຣາຊັກ, ນາຍົກລັດຖະມົນຕີມະເລເຊຍ ກ່າວວ່າ: ຝ່າຍມະເລເຊຍໄດ້ຕໍ່ວ່າທັກທ້ວງຕໍ່ອາເມລິກາແລະອົສຕຼາລີທີ່ໃຫ້ອົງການທາງການທູດຂອງປະເທດຕົນປະຈຳມະເລເຊຍດຳເນີນການຕິດຕາມລັກຟັງຕໍ່ລັດຖະບານມະເລເຊຍ.
ທ່ານນາຈິບ ກ່າວວ່າ: ມະເລເຊຍກຳລັງລໍຖ້າຜົນການກວດກາໂຄງການຕິດຕາມລັກຟັງທີ່ກ່ຽວຂ້ອງ ເຊິ່ງດຳເນີນຕາມຄວາມຮຽກຮ້ອງຂອງທ່ານບາຣັກ ໂອບາມາ, ປະທານາທິບໍດີອາເມລິກາ. ມະເລເຊຍຄັດຄ້ານການເຄື່ອນໄຫວສອດແນມທີ່ແນໃສ່ລັດຖະບານຂອງປະເທດໃດໆໃນດ້ານຫຼັກການ, ສາເຫດແມ່ນຍ້ອນວ່າການເຄື່ອນໄຫວທີ່ກ່ຽວຂ້ອງອາດຈະກ່ຽວພັນເຖິງອະທິປະໄຕຂອງປະເທດນັ້ນ.
