ລັດຖະບານມຽນມາແລະກຸ່ມປະກອບອາວຸດຊົນເຜົ່າສ່ວນໜ້ອຍເຫັນດີຈະດຳເນີນການເຈລະຈາທາງການເມືອງໂດຍໄວ
ວັນທີ 5 ພະຈິກນີ້, ພາຍຫຼັງການເຈລະຈາລະຫວ່າງລັດຖະບານມຽນມາກັບກຸ່ມປະກອບອາວຸດຊົນເຜົ່າສ່ວນໜ້ອຍຫຼາຍກຸ່ມທີ່ດຳເນີນເປັນເວລາສອງວັນຢູ່ເມືອງມິດກີນາ, ເທດສະບານລັດຄາຊິນໄດ້ສິ້ນສຸດລົງແລ້ວ, ສອງຝ່າຍໄດ້ອອກຖະແຫຼງການຮ່ວມ ໂດຍກ່າວວ່າ: ສອງຝ່າຍເຫັນດີຈະດຳເນີນການເຈລະຈາທາງການເມືອງໂດຍໄວ.
ຖະແຫຼງການຂຽນວ່າ, ໃນການເຈລະຈາລະຫວ່າງສອງຝ່າຍກ່ຽວກັບການເຊັນສັນຍາ ຢຸດຍິງໃນທົ່ວປະເທດ ທີ່ດຳເນີນມາເປັນເວລາສອງວັນນັ້ນ, ຄະນະປະສານງານການຢຸດຍິງທົ່ວປະເທດຂອງຝ່າຍກຸ່ມປະກອບອາວຸດຊົນເຜົ່າສ່ວນໜ້ອຍ ໄດ້ຍື່ນເອກະສານຄວາມຮັບຮູ້ທີ່ເປັນເອກະສັນກັນ 11 ຂໍ້ຂອງກອງປະຊຸມສຸດຍອດໄລຈາ ໃຫ້ແກ່ຝ່າຍລັດຖະບານຢ່າງເປັນທາງການ, ສ່ວນຄະນະກຳມະການວຽກງານການບັນລຸສັນຕິພາບສູນກາງ ກໍໄດ້ຍື່ນຮ່າງສັນຍາຢຸດຍິງທົ່ວປະເທດໃຫ້ແກ່ຄະນະປະສານງານເຊັ່ນກັນ. ຖະແຫຼງການຍັງຂຽນວ່າ, ເພື່ອໃຫ້ສາມາດບັນລຸການເຊັນສັນຍາຢຸດຍິງທົ່ວປະເທດ, ສອງຝ່າຍເຫັນດີຈະຈັດການເຈລະຈາອີກຄັ້ງໃໝ່ຢູ່ເມືອງພາອານ ລັດຄາຢິນໃນເດືອນທັນວາປີນີ້.
